حوار بنازير مجدي
بدأت رحلتي الفنية من خلال مسرح المدرسة…
الإخراج هو جزء من شخصيتي وأفكاري..
اعتقد مش هلاقي شخصية زي شخصية أمير في الأب الروحي..
بيتر ميمي هو الجزء الأهم في مشواري الصغير..
أول من دعمني هي أمي..
حياتي وعيلتي خط أحمر..
ممثل ومخرج وكاتب، استطاع أدائه في مسلسل ” الأب الروحي “، أن يبرز ما يمتلكه من موهبة حقيقية، وكان لنا هذا اللقاء الممتع مع الممثل والمخرج ” كريم سرور “، للتعرف على رحلته الفنية..
ما بين التمثيل والإخراج يتألق كريم سرور، ولكن أيهما يشكل الخطوة الأولى بالنسبة له التمثيل أم الاخراج ? وهل لك أن تحدثنا عن علاقتك بالمخرج والممثل الكامنين بداخلك ؟
الاخراج هو جزء من شخصيتى وافكارى .. على مدار ما يقرب من ١٥ سنة كنت اهوى الاخراج ثم اعمل به لفترة كبيرة .. التمثيل موهبتى التى من الله علي بها ولكنه لم يكن رقم واحد فى اولوياتى.
إقرأ أيضا
وكيف بدأت رحلتك إلى عالم الفن ؟
رحلتى فى عالم الفن بدأت وانا عندى ١٢ سنة فى مسرح المدرسة وقصور الثقافة .. وكنت بألف وقتها وبكتب شعر.
قمت بإخراج عدد من الأفلام القصيرة التي حصل بعضها على جوائز والتي عبرت عن براعة الإخراج فيها ؟ كيف ترى كريم سرور عقب 10 سنوات في عالم الإخراج ؟ وربما في عالم التمثيل ؟
حقيقى مبقتش عارف ايه اللى ممكن يحصل وممكن اروح فين .. انا فى مرحلة مشتتة شوية .. اظن هقدر احدد ده بعد سنتين ونشاطى كمخرج متوقف لفترة كبيرة، اظن سنتين زى ما بقول .. تركيزى اكتر حالياً فى ترسيخ قدمى كممثل بجانب التأليف الروائى.
عقب دورك في مسلسل ” الأب الروحي ” ونجاحه بشكل كبير ما تقييمك الشخصي لهذا الدور ؟ وما الذي جذبك في شخصية أمير ؟ وماذا عن العمل مع فريق عمل المسلسل ؟ هل كان هناك عقبات تكمن وراء الكواليس أم أن الأمر كان أكثر متعة ؟
شخصية امير اعتقد لفترة كبيرة من عمرى مش هلاقى شخصية زيها كدة .. الشخصية مركبة ومن نوعية السهل الممتنع .. يبدو هائاً من بره وفى داخله بركان.
مكنش فيه اى عقبات فى الكواليس فعلاً .. على العكس الموضوع كام بسيط وسهل اوى والكل بيساعد، وده لانى الحمدلله بدأت رحلتى مع محترفين، سواء اخراج او انتاج او تأليف، والمسلسل الحمد لله نجح جدا.
كذلك شعرت بالنضج الفنى فى الجزء التانى من الأب الروحى، بسبب الطريقة اللى بيتعامل بيها الاستاذ تامر حمزة مع الممثلين الشباب.
إقرأ أيضا
حدثنا عن دور الرائد خالد علي في مسلسل ” رحيم ” ؟ ومدي توقعاتك لنجاح المسلسل ؟ وماذا عن تجربة العمل مع الفنان ” ياسر جلال ” ؟
شخصية الرائد خالد تبدو بسيطة جداً ولكنها صعبة جداً وده هيبان مع الوقت.
الشغل مع النجم ياسر جلال، حقيقى ممتع جداً جداً جداً.
كيف ترى العلاقة ما بين الفن والحرية ؟
مفيش فن بدون حرية .. ده امر بديهى يعنى مش محتاجين ننظر فيه.
ما بين ” أمير ” في الأب الروحي و ” خالد ” في رحيم والشاب الثوري في كلبش ايهما أكثر ارتباطا بشخصية كريم سرور ؟ أيهما أكثر تمثيلا لها ؟
ولا شخصية تمثلنى فى الواقع الحقيقة .. لكن اقربهم الى قلبى الاولى طبعاً – امير الن الشيخ سلامة.
ماذا عن تجربتك مع الكتابة ؟ وماذا عن روايتك الأولى ” غربان ” التي قمت بطرحها هذا العام بمعرض القاهرة الدولي للكتاب ؟ وهل ستقوم بتكرار هذه التجربة مرة أخرى ؟
الرواية دى انا مألفها من ٢٠٠٩، الرواية سياسية اجتماعية ودى نوعية القصص اللى بتستهوينى، مخلوطة بغموض طبعاً ومعلومات علمية كتير عشان احب ان تكون الرواية ثرية للى يقراها .. ويخلصها يبدأ يدور ورا اللى قراها،المزج بين الواقع والخيال.
وليها جزأين تانى ومكتوب فى نهايتها كدة وكل جزء هينزل فى كل معرض كتاب السنوات التالية.
إقرأ أيضا
سؤال ..تجربتي مع …
الفنان أحمد عبد العزيز …
من ضمن النجوم اللى اتعاملتم معاهم ورغم استفادتى الكبيرة منهم مفيش حد قاللى تعالى وقعدنى وفهمنى وطلب بشكل رسمى من الشركة المنتجة مقابلة الوجوه الجديدة ونصحهم وارشادهم غير الفنان ” محمود حميدة “، رغم انه كان عارف ان دوره ٧ حلقات فى مسلسل ٣٠٠ حلقة، وعلى المستوى الشخصى الاستاذ النجم ايهاب فهمى، وفي كتير مهتمين بمستقبلى وارشادى وادائى وطول الوقت على تواصل فنى وانسانى.
المخرج محمد سلامة …
محمد سلامة مخرج شاطر جداً .. واعتقد الفترة الجاية هيكون له شأن كبير
 |
المخرج بيتر ميمي …
بيتر ميمى هو الجزء الاهم والاثرى فى مشوارى الفنى الصغير ده، البداية عنده .. والنصيحة عنده والدعم عنده، بيتر ميمى هو ضهرى الحقيقى انا ككريم على المستوى الانسانى والفنى ..شخص مهتم انى اكون فى احسن صورة طول الوقت .. بدون مقابل.
ننتقل للحديث عن الحياة الشخصية :
الشخص الأكثر تأثيرا في وأوجه له دائما الشكر ؟
بيتر ميمى برضه هو الشخص ده .. واكتر حد اثر فيا.
وطبعا اشكر جداً الاستاذ ريمون مقار على تعبه الشخصى واهتمامه بشغلى سواء داخل شركته او خارج اى اعمل من انتاجه.
هل شعرت يوما بالندم، و ما هو أكثر الأشياء ندما بالنسبة لي ؟
لا انا مبندمش على حاجة خالص وده معروف عنى .. اللى مكتوبلى هشوفه، ممكن اراجع نفسى، الومها اهذبها اعقلها، بس مندمش على حاجة ابداً ابداً ابداً، بل على العكس الاخطاء بالنسبالى وسيلة للتقدم.
مملكتي الخاصة …
” دماغى “
أول من دعمني في مشواري الفني
” أمي “
الحب في حياتي
” شيء خيالي “
خط أحمر….
” حياتي الخاصة وعائلتي “
