بقلم/(شرين شرين سعد)
شاعرة جنوب الوادي
#شرين_سعد_أحمد
*******************
أما توقع يا صلاح
وقعتك وجعت قلوب
هزت الدنيا و راح
كتفي شايل حمل طوب
ماقدرنا نمد ادنا
نقومك حتى يادوب
،،،،،،،،،،،،،،،،،،،،
بس لازم ياصلاح
تعرف انك حد عالي
كل ايد رفعت الدعاء
للسما رفعوه قبالي
كل مصري ف كل بيت
نادي يارب الشفا
دا احنا لاجل ما بكيت
كل قلب عليك بكا
حقد راموس بان عليه
ناوي ع الغدر وكفا
إنك انت يا صلاح
باسمك المجد اكتفى
،،،،،،،،،،،،،،،،،
خلي راموس بالغباوة
يجري وسط ملعبه
هى شوطة واحدة منك
دغري فورا تغلبه
هو يعني اما توقع
يبقى ضامن مكسبه
يكش يولع وسط بيتهم
ربي قادر يتعبه
،،،،،،،،،،،،،،،،
شد ايدك بس خاف
من عيونك اصله شاف
قوة الإيمان ملتهم
قلبه للايمان ده عاف
أصل عارف اللي زيه
كلهم أصلا ضعاف
،،،،،،،،،،،،،،،،،،،،،
اما تسجد في الملاعب
سجدتك هزت بلاده
هى سجده بيها غالب
تعرفه يومه وميعاده
قلك اخلص منه فورا
قبل ما يعلا وداده
،،،،،،،،،،،،،،،،،،،،
راموس الجبان مايقدر
فرحتك مرة يعكر
هو تافه هو هايف
هو مايقدر يفكر
أنه ينهى مجد أنت
أصل مجدك زاد وكتر
،،،،،،،،،،،،،،،،،،،
خلي غله جوه صدره
رد كيده ده في نجره
اماترجع تاني تلعب
يجري يشرب مي بحره
،،،،،،،،،،،،،،
شد عودك قوم وشد
سدد الأهداف وعد
دي الشباك تشهد لرجلك
إنك الحريف بجد
شد عودك قوم وشد
،،،،،،،،،،،،،،،،،،
يلا قوم يا ابو مكة
واوعى اشوفك تاني تبكي
مونديالك مد سكة
لجلك انت قوم واحكي
احكي قصة الكفاح
اوعى تزعل ولا تشكي
واهدي لبلادك نجاح
اسمها ارفع وزكي
إهداء الى نسر مصر المحلق
النجم / ( محمد صلاح )
