صائغ القوافي الشاعر
فهد بن عبدالله الصويغ
تصدق عايش الدنيا دي عشانك
مش هاممني فيها غير حنانك
بحبك لوحدك واتمنى رضاك
وكل نسمة في عمري هواك
لا بفكر في حاجة تانية غيرك
حتى مصيري بقى هو مصيرك
بقيت كل حاجة في دنيتي
بقيت هنايا وفرحي وضحكتي
لما بسرح بسرح بس فيك
ولما بحلم بحلم برضه بعنيك
مفيش حاجة شغلاني غير حبك
ولا حاجة مهنياني غير قربك
انت الدنيا اللي فيها بعيش
ومن غيرك في الدنيا ماليش
أبص للقمر الاقيك دايمآ جواه
منتا يا روحي للقلب رضاه
لا أقدر أنساك يوم ولو لثواني
ولا يقدر قلبي يحب غيرك تاني
انت الحب اللي بعمري اتمنيته
وانت الحلم اللي فرحت ولقيته
كل خطوة معاك عمر جديد
بيكتبها قلبي و بيبقى سعيد
لا عرفت معاك يوم أسية
ولا شفت معاك غير حنية
أصلك ياروحي حقيقي تتحب
ولا مر عليا في هواك غلب
لو مرة تعبني الزمان بتداويني
ولو خذت بخاطري بتراضيني
معاهم حق الحساد يحسدوني
منتا ياقلبي هوايا و نور عيوني
بتمنى زي حبك لكل العشاق
عشان ينسوا العذاب و الفراق
وكل قلب يتهنى بغرامه
زي ماقلبي متهنى بأيامه
إقرأ أيضا
مدير قسم الأدب و الشعر
علا السنجري
