أحمد عثمان توفيق
تررن تررن تررن
الو
مين
انا المواطن المطحون
اللي مقضي عشاه نوم
وكمان الغدا بقى مش مضمون
انا المواطن المطعون
اللي شايل أحمال وهموم
وشايف بكره مش مضمون
انا المواطن المعدوم
اللي كان ف يوم مدعوم
والنهارده يبات مديون
انا المواطن اللي عاش
يحلم يخرج م الإنعاش
ويتنفس بحريه
ومالي حياته وطنيه
انا المواطن الإنسان
واجمل ميزه فيه النسيان
وفاكر امبارح كان أحلى
وان بكره جاي احلى
انا اللي شيبت ف التلاتين
وانا اللي مت في الميادين
وانا برضوا اللي شال الطين
انا المحروم. انا المهموم. انا المطحون
انا اللي يهمني في الكون
اشوفك تاني يابهيه
تلمي ولادك حواليك
ومن خيرك يبوسوا اديكِ
ويبنوا ويعلوا ويطوروا فيكِ
بحب وخوف وحنيه
يتوزع خيرك تاني عالدنيا
إقرأ أيضا
مدير قسم الأدب و الشعر
علا السنجري
