بقلمى / فاتن فاروق
عارفين يعني ايه بلدي ياللي مش عارفين؟
يعني حرف ال ي اللي شاددني
ياللي فاكر انك طين واحنا من تاني طين
مصر يعني اول ضوء دخل العين
يعني امي واول ضمه حضن
يعني كفي وانا بأحبي
واول لمسه ارض
اول ماصلبت طولي ودست
يعني لقمة عيش وملح
ابويا وامي واخواتي
وناسنا الطيبين
الصحاب والحبايب والجيران
يعني السما والخضره
يعني مركب جوه نيل
ولمة عيله يوم العيد
وضحك السنين
واول ركعه ولمسه جبين
الآذان وجرس كنيسه والحب والحنين
ويرجعوا يقولوا انت مين؟
انا ابن البلد… انا ابن الارض دي والنيل
قولي بقي انت تبقي مين ؟
أقرا أيضآ:
جدائل السمراء
