بقلم /
ريهام مصطفى
موجوع
حاسس إن إللى
مش منى .. منى
قادر يمسح دموعى
يشيل عنى ..
عايش لوحدى
بحاول أنسى
بس جرحى
قاتلنى كتيير ..
سؤال وشاغلنى
ليه بعدو عنى
مع إنى أقرب
ليهم منهم ..
حاولت ألملم
جروحى فى قلبى
بس مش هايشيل
ماهو حجم الجرح
بردو كبير ..
ماشى أدور على دوا
لجرح عمره كتير
ولامنى بنسى
ولامنى قادر أشيل
تعبت من التفكير ..
عايزنى أضحك
علشان أعيش ..
مسيرهم يعرفو
إن الفرحة
مسروقة من
بحر حزن ..
مسيرهم يعرفو
إن الضحكة وراها
ألف جرح وجرح..
فاكرنى مش عايز أعيش
لو كان بإيدى
أشيل الجرح
من جوا كنت شيلت ..
لو كان بإيدى أفرح
كنت فرحت ..
كنت عرفت أضحك
وأنا مقتول وأنسى
إللى منى علشان
أروح فى عالم
مفيهوش موجوع
إقرأ أيضا
مدير قسم الأدب و الشعر
علا السنجري
