سالم الشولحي
مرات بلمعن لاحداق حنين
ومرات تهدر مالمواقى سيلها
مرات يرقن ادموع الغين
ومرات يجحدن فى تنزيلها
مرات نصبر على الوقت الشين
ومرات إتكب لعزوم وخيلها
مرات نبقى فى الحكى زين
ومرات عنوان لحروف قليلها
مرات نقضب فى البوح اسنين
ومرات نجبد سهارى بمواويلها
مرات انغيب شهر واتنين
ومرات انكون شمس فأصيلها
مرات ضحكتى يوم ويومين
ومرات كسرتى ما تراعى مثيلها
مرات نمطر كيف مزن ليلتين
ومرات غيمتى ما تقدر اتشيلها
مرات بهجتى بالسكر فنجالين
ومرات بالمر نقهويها بكيلها
مرات نحترم فى القوانين
ومرات نلعن سلسفينها
مرات نكتب من الشعر بيتين
ومرات قصايد ابترتيلها
مرات تبقى ذنوبى ملايين
ومرات نتقى تسهيلها
نحمد الله حمد شاكرين
رجانا فيه بحسن خواتيمها
للمزيد
مدير قسم الأدب و الشعر
علا السنجري
