حوار:سمية مجدي
–كنت خايف جدا ومبسوط جدا وانا واقف قدام الزعيم
-بحب السينما لأن مدتها أقل وبيطلع فيها مجهود مميز
-اتبسط جدا لما مثلت مع زوجتي والناس تقبلتها جدا
-كل عمل لي يعتبر الأقرب لقلبي.
-فضلت 7 سنين في الجامعة بسقط علشان أمثل
شخصية مختلفة يتميز بنبرة صوت مميزة وحادة ،استطاع بخفة ظله وتلقائيته أن يدخل قلوب الكثيرين ،جعل هدفه أمام عينه إلى أن حققه ،وقف أمام الكبار في مشواره الفني ،فهو علامة مميزة في جيله ،اختار نوع صعب من التمثيل وهو الكوميديا وهذا إن دل على شئ يدل على عبقرية وحبه الكبير للتمثيل،وهو الفنان المميز الكوميدي محمد ثروت
,,ما الدافع الذي جعلك تترك مجال دراستك وتتجه إلى التمثيل؟
,أخدت شهادتي وكملت دراستي فعلا ،لكن مشتغلتش في مجال المحاسبة إلا فترة بسيطة ،ولكن حبي للتمثيل هو اللي خلاني اتجه للمجال وشايف نفسي أحسن في التمثيل.
,,كيف كانت بدايات ثروت في مسرح الجامعة؟
,حوالي 7سنين في الجامعة بسقط علشان أمثل ،وعملت كام مسرحية وكده واكتسبت خبرة كبيرة في المسرح ،وكنت شغال بدافع حبي للمسرح مش منتظر فلوس أو أى حاجة،واشتغلت في فرقة حرة في الدراسة وخلثت الدراسة،وانضميت للمركز الإبداعي الفني ،وقعدت حوالي 6سنوات ،عملنا “قهوة سادة”وانطلقت بعدها.
,,ذكريات أول عمل لا تنسى ،فما هو اول دور لك قمت به؟
,أول دور ليا كا في مسلسل”تامر وشوقية” عملت خلقتين في دور مطرب شعبي اسمه (الولا حمادة) .
,,ما الدور الذي بعد أداءه عرفك الجمهور؟
دور المحامي عبد التواب في مسلسل “مأمون وشركاه” ،الناس بدأت تعرفني بيه وحبوني في الكوميديا من خلال فيلم”جحيم في الهند”في دور شاروخان ،وكان الفيلم بعد عيد الفطر وقبله المسلسل في رمضان،فالادوار سابت علامة عند الناس.
,,هل “قهوة سادة” كان لها أثر إيجابي في مشوارك الفني؟
,اه طبعا”قهوة سادى” ليها جزء كبير من مشواري الفني لأن تقريبا قعدنا نرتجل فيها حوالي سنه ،وعرضنها سنة وكان من ضمن الممثلين اللي شاركوا فيها الجيل بتاعنا زي(محمد فراج-محمد سلام-هشام إسماعيل)وغيرهم كتير،أتاحت لينا الفرصة للتمثيل واكتساب الخبرة .
,,كيف بدأت قصة حبك مع زوجتك الحالية منى جمال؟
,بدأت قصة حبي مع منى ،كنت أنا متخرج من الجامعة بقالي سنتين وهي كانت لسه داخله كلية ،كنت باجي مسرح الجامعة عل أساس حد قديم وعنده خبرة في الموضوع وبيدي نصايح للناس الجدد ،اتعرفنا على بعض واتبعنا الأسلوب ده لمدة 3سنين تقريبا ،لحد ما جه وقت لقينا أن في حاجة وارتبطنا ببعض وإن شاء الله مكملين ،يعني يعتبر أنا أعرفها من حوالي 15سنة.
,,ماذا تفضل السينما،أم المسرح،أم التليفزيون ولماذا؟
,المسرح طبعا أبو الفنون وبالنسبة ليا حاجة كبيرة أوي وخطوة مهمة لأي ممثل وبيعرف من خلاله هل هو لسه متابع مع لجمهوى بتاعه ولا بعد ،ولكن السينما أكتر لأن شغلها حلو ولذيذ جدا،وفي طاقات بتطلع في الفيلم وكمان مدته صغيرة .
,,ما شعورك عند الوقوف أمام الزعيم في عفاريت عدلي علام؟
,هو كان تاني تعاون بينا بعد مسلسل”مأمون وشركاه” رمضان اللي قبله ،وكنت خايف جدا ومبسوط جدا ،فبالتالي حصل نوع من التحدي بيني وبين نفسي ،قلت لنفسي انبسط انت نفسك تقف قدامه ، قدامك الفرصة اشتغل وانبسط ،والحمد قدرت اقف واثبت نفسي قدام الزعيم.
،،ماهي الأعمال الاقرب لقلبك؟
,لا الأعمال الأقرب لقلبي كتير زي(مأمون وشركاه-جحيم في الهند-فرج في اللا لاند-نيلي وشريهان -يوم ملوش لازمة)لا كتير لأن كل عمل بعمله يعتبر الأقرب لقلبي.
,من الفنان الذي تود الوقوف أمامه؟
في كتير زي (أحمد حلمي-أحمد السقا- كريم عبد العزيز-أحمد عز( الجيل ده كله يعتبر نفس اقف قدامهم.
,,شخصية فرج في مسلسل اللالاند بماذا تمثل لك؟
,شخصية جميلة جدا واستمتعت بالتمثيل فيها لأنها كانت شخصيتين مختلفتين في بعض رغم إنها صعبة ،لأننا كنا بنصور الشخصيتين في وقت واحد مش كل شخصية في وقت محدد ،فكان الموضوع صعب بالنسبة ليا ويعتبر تحدي فني لأني كنت عايز دور مختلف عن اللي كان موجود في الفترة اللي فاتت.
,,هل من أعمال جديدة تحضر لها خلال الأيام المقبلة؟
,في أعمال كتير معروضة عليا بس أنا في مرحلة اختيار للاعمال ،لأن المعروض حاليا بيكون تكرار لأعمال عملتها قبل كده،وأنا مش عايز أكرر نفسي وبشتغل على أعمال جديدة ممكن يطلع منها حاجة مختلفة في قايمة الاختيار ،ولكن بحضر حاليا لمسرحية جديدة اسمها” صراع في الفيلا” بطولة الأستاذ محمد هنيدي ،وإخراج مجدي الهواري ،وشغال بروفات مسرح وبروفات ترابيزة ومشغولة فيها حاليا.
,,كيف تعاملت مع اول تجربة تمثيل لزوجتك؟
,كنت مبسوط جدا بيها حبينا نعمل أناوهي حاجة مع بعض مختلفة والحمد لله طلعت بشكل كوميدي عجب الناس سواء في مسلسل اللا لاند أو مسلسل عزمي وأشجان.
وفي النهاية أنا مجلة سحر الحياة بنشكر حضرتك استاذ محمد لرقي حضرتك وبالتوفيق 
