بقلم سناء عبد الوهاب
ملعون دي ايدين
بتهد في بلدي بدون اسباب
ملعونه قلوب بتكتفنا وتقول احباب
القطر ان داس عالحلم
وعجله دا كان جاحد
إياكم تنسوا اننا واحد
ملعون يا دسيس
على حلم بيلعب في الشارع
والسكه غرقانه بدمه
بتقطر من نبضه وهمه
ملعون ياتراث
اتحول لعنه على ايديهم
طب نظره ياناس
ليتيم اتيتم في عنيهم
والرحمه عليهم أولادنا
أرواح بتسيبناوتسكنا
وحداد على روح عاشت فينا
احكي ياميادين
ابنك مسكين محتاج لأمان
ولحضن يصونه بحريه
ويعيش انسان
لا يموت وكرامتك محنيه
ودقيقه حداد
على ناس دمها بقى تعفيره
والذنب كبير شوفنا التقصير
وعرفنا انها شله كبيره
وعصابه بتخرب ارواحنا وتأذينا
ودقيقه حداد
على روح بتودع من غير ذنب
والعيب من مين
مابقاش احساسنا بيحضن قلب
ودقيقه حداد
على روح الوحده بتسحبنا
على أغلى الناس على حبايبنا
