مقدمة من شيف / عصام العربي
وقت التحضير / 15 دقيقة
وقت الطهي / 90 دقيقة
المقادير :
فرخة كاملة (دجاجة)
ملح.فلفل ابيض.كركم.لون صناعى زعفران
بصل مفروم..توم مفروم
الطريقة :
– يتم خلط المكونات مع بعض ويدهن بيها الفرخة بعد غسلها جيدا…
– نجهز حشوه للفرخة عبارة عن بصل قطع ورق لورى (غار) حبهان حصى (هيل) جزر مبشور خشن ملح وفلفل..
– نجهز صينية للفرن نبطنها سلفر ونحط الفرخة ونحط كمية ماء قليلة ونقفل على الفرخة بالفويل كويس
– ندخلها الفرن فى الرف على المستوى الاول على نار متوسطة حتى تستوى الفرخة من ساعة لساعة ونص…
– نرفع عنها الفويل ونشغل الشواية علشان تاخد لون…
الارز :
المقادير :
رز بسمتى الكمية المناسبة
ورق لورى
حبهان
لومى مجفف
عود قرفة
قرنفل (مسمار)
الطريقة :
– حلة على النار نضع فيها زيت وسمنة وجميع التوابل ونحورهم شوية على النار
– نضع الماء وحوالى نص كوب لبن
– نتركهم حتى يغلى الماء ونصع الملح وننزل بالارز ويقلب حتى يتشرب الماء وبعدين نوطى النار حتى يستوى الارز
– نحضر اى شى مثل الفنجان فى قلب الارز ونضع فية فحم مشتعلة ونضع عليها نقطة زيت ونغطى حتى يدخن الارز…ونفس
الحركة مع الفراخ…
– نضع كمية من اللون مع معلقة ماء ونقلبها ونلون بيها شوية من الارز ونقلب الارز الملون مع باقى الارز .
و الف هنا على قلوبكم يارب
مدير تحرير قسم المطبخ بمجلة سحر الحياة / نيفين منصور
