بقلم
سناء عبد الوهاب
وبكتب غنوة بتعيط
وبتخيط جروح ألوان
كمنجة جرحها معلم
في كل دموعي بالنسيان
وبكتب حرف من دمي
بيصرخ خوف
وهم أتنفسك توهة
حروف أسمك لعيني الشوف
وليكي الخطوة مش توهة
بساط الريح سرق روحي
سرقتي ضلوعي من بسمة
نسيت نفسي نسيت روحي
أتاري الحكم للقسمه
نصيب مستقصدك وياه
تكوني حقيقة مكسورة
يداري عنيكي دي من الشوق
أتاري عشقي كان صورة
ياللي غناكي من الأسي عيط
فرش الدموع بعيوني عشق وشوق
ولقانا في وقت اللقا خيط
جرحك حبيبتي مسيروا بكرة يروق
وأكتب معاكي غنوة تشبهها
جرحك حبيبتي
قتلني من غير صوت
داابعدي عنك حبيبتي
حقيقة شبه الموت
