بقلم/ أماني أحمد
اتقابلنا .. ونسينا فين وامتي
اتقابلنا وافترقنا .. فبكت عينينا ومشينا
ورضينا بالقدر علينا ..
وتمر الأيام والسنين فننسي
إحنا ظلمنا ولا اتظلمنا .. إحنا خدنا ولا إدينا
فتوه الإجابات بينا .. فانتيهنا وافترقنا
فبكت عينينا ومشينا .. ورضينا بالقدر علينا
واتقابلنا .. وتمر ذكرانا قدام عينينا
والضحكة ديما كانت علي وشوشنا
والحب بيرفرف حوالينا
وعيون الكون كله بينظر لينا
بس فجأة ضاع كل شئ .. فانتهينا وافترقنا
فبكت عينينا ومشينا .. ورضينا بالقدر علينا
كانت الخطوات بتسأل إزاي كنا
إزاي ضاع الصدق منا..
شوفت قد إيه إحنا عانينا وبكينا
إزاي ضعفنا .. إزاي هان الود بينا
كم سؤال ملوش جواب عن لقاء، عن سماح، عن خطاب
بس كان الرد صمت
بيقول للقلب إن البعد موت
من أنين البعد والهجر انسحبنا
من ليالي السهر والدمع هربنا
فاتقابلنا وضحكنا ولعبنا
وبعد مرور سنين البعد عدنا
واتقابلنا ونسينا قد إي احنا بعدنا
المهم في النهاية إننا عدنا
