بقلم الشاعرة / سهام خير بك
وشو اللي جرى….
شو صااار؟!!!!!!
من بعد غيبة عمر
جايي….؟!!!!!!
قال عم تسأل علينا
شو ذكرك فينا؟!!!
عم تسأل الجيران
عن حلوة العينين
الكانت تواعدنا
على الغدران
ونقعد سوى
وأعزف لها أجمل الألحان
وتقول لي عزفك شهد
اعزف وغني بعد
واوعدني أحلى وعد
عمرك ماتتركنا
ومن عيونها تكرج الدمعات
لما شعرها زينو بوردات
وقرب عليها وأسرق الغمرات
مادام عم تسأل
وراجع تتذكر
هالحلوة العينين
اللي نسيتا سنين
من يوم هجرك
صارت عروسة الغدران
تسرح مع الغزلان.
إقرأ أيضا عقودٌ من الزمن وهي تستيقظُ باكراً على صوتِ والدها يرتلُ القرآن الكريم وهذا ما جعلها عاشقة اللغة العربية
