“إنسان” بقلم الشاعرة سناء عبد الوهاب

هيورثوك كدبهم وهتبقى شبه التلج وعلاج لحبك تبقى برضوا وحيد هيكدبوك في الوحدة وفي قمة المعاناة

إنسان بيشكي من زوال الوفا وماشافش فيكم دفا علشان يحب الشتا إن كان ضروري تبقى وياهم خاف للفراق يستنزفك في القرب خاف من اللي سردك ورد علي ورقه ولمست حرفه بقيت بتنزف شوق مش كل كلمة بذوق تبق علامة حب تبقى بشارة لبنت محتاجة حضن الأب تبقى في غياب الناس بتونسك في طريق الضحك زي الرزق ملناش نصيب منه ولاحتى في لحظات ياخد مكان الحزن

في ناس برغم ظروفها تدي لناس وناس معاها الحب وبتنكره

وكأن توزيع المحبة خلاص قفل حسابه وسابنا بنحنله

أنا شمس حرقت كل شيء بالقرب

كوكبنا قرب شاف حاجات أصعب

إزاي برد بحزن مش بيروح تشفق جميع الناس

بصعب عليهم كلهم وعليك بهون

ياللي اشتريت من خط سيري بديل

الدمع في المناديل مايبنش وبيتحس

إنسان وحب الدنيا ماتحبش

إدتني يوم ظهرها علشان بحب بصدق

كان سهل إنك تحتوي خوفي مش يوم تكون وسنين بتبعد ميت طريق مشيناه

‏ أن بس بستسمحك المرة دي لاه

‏ إبعد عشان قلبي مش حمل تاني حياة

‏فيها الفرح ناقص بتكمله المعاناة

‏إنسان بكل مافيها من معنى

‏ خد من الحياة حزنها ‏وعايش بلا معنى