بقلم سناء عبد الوهاب
حاولنا نحب ماعرفناش لقينا الحب شخص غريب
وحيد من خوفه ماعرفناش نضمه عشان يعيش فينا حاولنا نطير لكن كان الجناح مكسور وخوفنا الشوق ليخطفنا وخوفنا نميل سالت القهوة ليه طعمك بيشبه
طعمها في البعد وليه دايما بتشبهلك وليه دايما بنفس الوعد
بصدق إنك المرة والحلوة في نفس ذات الوقت
وإني للأسف دكتور مايعرفش دوا ليكي
وإن اذيكي مش هقدر ولا هعرف أعيش بيكي
وإن الدنيا مابتديش في يوم محتاج
وأنا حضني قفل بابه
مفيش أحضان بتشبهنا
وغيرك لسة ماسكناش
ياقاسمة كل تفاصيلي
مابينك نتي والأيام
حاولنا نكون بخير لكن
مفيش خاطر في يوم للغير
في بعدك عمري كله خريف
وكون باهت وناقص شمس
في بعدك أيه هيفرق
بكرة يوم من الأمس
ويوم مااوصف في تفاصيلك
يضيع مني الكلام دايما يتوه السرد
فبرجع تاني واكتبلك نسيت نفسي
نسيت الناس ولحظة افتكر بعدك
دموعي تسبق الاحساس
حاولنا نحب وعرفنا بأن الحب
مااختارناش
