كتبت الفنانة سلاف فواخرجي عبر صفحنها الشخصية على أحد مواقع التواصل الاجتماعي كلمات حزينة ترثي والدها
شو يعني ادخل البيت وماشوفك
شو يعني دور عليك وما اتبارك بوشك
شو يعني ما إوعى الصبح ع اسمي من تمك
شو يعني يبقى الصدى ويغيب صوتك
شو يعني انت مالك هون بس مّلّلي الدنيه عطرك
وشو يعني يمرق وقت وماتكون وقتي واحمل همك
وشو يعني بطّل اعمل صبي حلاق واحلقلك
شو يعني ساعتك ع جنب ومانها بإيدك
شو يعني كتابك مسكّر وباردة مكتبتك
قميصك المكوي بزيادة وبيجامتك وتفاصيلك
الزيتونة كانت ناطرة أول مطرة
انجرح المطر بروحتك ، ونشفت
العنب بطّل حلو ومنه الدمع أحمر
والصبار زاد شوكه قهر وأسى بعدك
والياسمينة دبلت على غيابك مش مصدقة
وبعدها عالباب ناطرتك
يابابا … كنت ضل شوي … اشتقت شمك
لو عشت العمر عمرين ، بحاجتك
وبيبقى بكير وبعد بكير
وماشبعت منك
اقرأ ايضا أهل الفن والثقافة يعبرون عن حزنهم بعد إعلان إغلاق أحد أهم المكاتب القديمة في العاصمة دمشق!!
نبذة عن حياة رجل الدراما السورية أيمن زيدان ..و أهم أعماله الجديدة ..
