خالد عبد المنعم
أصعب شىء انك تصرخ بلسان مقطوع وودان طرشا وعيون عميا فى سواد الليل ، وتزرع جوه ضلوعك خوف وقت الشدة وتَحصُد مُر فى خريف العمر لما الدنيا خلاص بتْفِلْ ولامة قلوعها وبتطفى النور ، أصعب شىء انك تنسى اسم ولادك وأعز حبايبك وتعيش فى الماضى بجسمك حاضر ولكن تايه وحدك وتسمع بودانك تعزيتك “معلهش أصل عنده زهايمر، ادعوله ربنا ياخده علشان يستريح ويريح ” احساس مكتوم وشعور مكلوم صعب ومحموم، أصعب شىء انك تتحط فى خندق بميت مليون حجة وانت لا ليك فى الطور ولا فى الحجة علشان النفوس المرضانة التايهة التعبانة مش راضية يكونلك موقف ولا حجة ، أصعب شىء انك تموت فى اليوم ميت مرة وقلبك بيدق ميت دقة ولسانك عاجز مش قادر حتى يقول “لأ” !
مدير قسم الأدب والشعر
علا السنجري
