بقلم الخالة وداد
وانا بقلب كده ياولادي من فتره اذ بيا الاقي حملة طالعة وقال ايه بيحاربو عادات او فكر المجتمع العقيم …طيب ده شئ ممتاز وفوق الوصف
انا قلت بقي هيحاربوه بالابداع او الابتكار او العلم او الثقافة مثلا
لكن الي لاقيته عكس كده!!
قال ايه الاقي شوية بنات الي تقولك انا بصاحب ولاد بس محترمة!!! وانا مش محجبة بس بصلي!!! وبضحك بصوت عالي بس معرفش ايه!!!! وغيره وغيره
يووووه هو المجتمع ناقص اذدواجيه في الفكر!!!
انتو بتعالجوه ولا بتزودوه مرار؟؟؟
طيب عاوزه تحاربي عادات المجتمع متحربيش ثوابت الدين
عاوزة تحاربي المجتمع متعلميش غيرك يبقي زيك لو بتعملي الي عملاله حمله ده
عاوزة تحاربي المجتمع حاربيه بابتكارك وعلمك وثقافتك واحترامك
هو في ايه!!!
كل من هب ودب عاوز يعيش دور الحرية والارستقراطية يتعدي علي حدود الدين
ياستي حاربي الفكر العقيم مقلناش حاجة بس مش عشان تعاندي معاه تهدمه دينك وثوابته.
لا هما ليهم الحكم عليكي ولا انتي محتاجة تتبري من دينك بالشكل المؤسف ده وبعدين علي فكره بقي لو عندك ثقة بنفسك والله عمرك ما هتعملي الحملات دي
ده بس دليل علي نقصك وعدم ثقتك بنفسك فحاسة انك مظلومة وناقصك شئ!!!
ارتقي ياختي انتي وهي بالفكر والثقافة والعقل مش بالشكل ولا بالمياصة والظرف بتاعك!!!!
وبعدين لما الرسول قال اتقوا الشبهات واحنا بنعالج الاذدواجيه في مجتمعنا العقيم تقومي قايلة بصاحب ولاد ومحترمة ده مفيش شرع اتوجد علي الارض اباح اصلا اصاحب ولد وابقي عادي هادي كده معاه وبعدين الشيطان فين بقي من الصحوبية دي!!!
والله عاوزين تعملوا حملة ومحدش يوقفكو ويعدل عليكو
بنات عاوزة رباية من أول وجديد
