اصلى بشر..

بقلم: -ولاء الهواري

ساعات بتعب من كتر الوجع..

وقول ملعون دا وجع..

وساعات بضرب بحلمى الودع..

وقول بكره حلمى يرتجع..

وساعات بثور وقول حلمى حق لا ينتزع …

وساعات بضعف ..بضعف وانحنى لريح الوجع ..

وساعات بتجن وقول لا..انا جدع..

وهتحمل ف القدر مليون وجع..

بس فى الحقيقه انا زى كل البشر..

جايز ليا احس بضجر..

وجايز اشتاق لظل الشجر..

وجايز احلم بلمس المطر..

وجايز اتحسر على عمر ضاع هدر..

جايز وجايز اصلي بشر. .

اصلي بشر