بقلم: فاطمه احمد عبدالعزيزحسن
احمد ربنا انك عايش
وعيشة الغلبان قرش
قرش تاكل به
وقرش تسكنه فيه
وقرش تلبس بيه
وتخاف تقول دا غش
من دوله النفاق
اللي لابسه وش
وصبر علي صبر
ودويا قلم وحبر
من آه العاجز
بتنحبس في كوم القش
شربين الحزن بكفوفنا
نروي الضنا وهو راح مقمش
مات بصرخة
ومن كتر المنهدة علي عود هش
ساكن في صحاري السراب
ووعد ملزم يموت ميخفش
من قسوة الكف اللي معجون
في الكد من يوم وقال متعبش
سافر لجل مايعمر بيته
سهران يحوط علي روحه ولانمش
لكنه روحه سافرت
وهو نام معاه الرمش
احمد ربنا انك عايش
