دكتورة/ إيمان الريس
انا مع الرئيس السيسي
جدا ولكن رسالة الي سيادة الرئيس
انا مش ضد رفع الدعم عن المحروقات
بل بالعكس ارجوا رفعه كليا لكن في مقابل ذلك ارجوا تطبيق التالي
١-تطبيق الحد الأدني والاقصي للاجور ومحدش يقولي جهات ذات طبيعه خاصه وجهات سياديه
٢-تصليح الطرق المكسره في كل شارع في مصر . حضرتك احنا بندفع كل سنه تغيير عفشه وكاوتش اكتر بكتير من تكلفه فارق الدعم وحاكم كل حرامي ومرتشي استلم طريق في مصر لان كل الطرق زباله
٣- تغيير منظومه التأمين الصحي والتعليم ونعلم ولادنا في مدارس حكوميه ونبطل الدروس الخصوصيه ونتعالج بأسعار طبيعية زي بقيه دول العالم وعلي فكره كده هنوفر اكتر بكتير من فروق الدعم
كمان اعملي منظومه ضمان اجتماعي محترمه تخليني مطمن علي بكره مش شغال فواعلي بدراعي ولو حصلي حاجه مالقيش اكل
٤-أقضي بقي علي الفساد الحكومي والخاص وخاصه في المحليات وصادر الاراضي المنهوبة
من بكره كل مسؤول يعرف انه موظف عند الشعب الي هوا بيدفع مرتب أم المسؤول ده
٤- إلغاء الجمارك علي كل السلع واولها السيارات ( علي فكره جمرك اَي سياره جديده في مصر يغطي فرق دعم بنزينها علي الأقل ١٠سنوات)
كلنا بندفع زي بعض يبقي كلنا متساويين في الحقوق والواجبات
٥-يطبق القانون بشكل عادل وشفاف علي الجميع
٦- زمان كنّا بنقول الي مالوش أهل الحكومه أهله
لانها كانت بتزل سلسفيل ابونا بموضوع الدعم ده والمنحه ياريس والكلام ده
دلوقت بقي مادام كل واحد بقي بيصرف علي نفسه وبدراعه
عايز تشيل الدعم
انا موافق وبشده بس عايزين نعيش صح زي اي بلد بقيمة مصر
تغير منظومة الحكومة والإعلام والتعليم
دكتورة/ إيمان الريس
