حاجات مركونة جوانا
كتبت-دعاء نصر
كبرنا وبداخل كل منا ذكريات وامنيات مركونة. نتمني ان يعود بنا الزمن لاسترجعها
مين فينا مادمعتش وهى بتودع غرفتها قبل الزواج
مين فينا ما عملتش صنية البطاطس الشهيرة من ضمن الأكلات الاولى للزواج وباظت
مين فينا مش محتفظة بأول ورقة شيكولاتة هدية من خطيبها او تذكرة سينما مع زوجها
ومين فينا مامسكتش الدبلة فى اول خطوبتها وفضلت تقرى فى الاسم اللى مكتوب جواها…
ومين فينا ماصدقت إنها بقت أم..
ومين فينا مش متصورة صورة اول ما طلعت من العمليات بعد الولادة
ومين فينا مانفسهاش تركب عجلة..
ومين فينا مابتكرهش غسيل الاطباق وتتمني انها تخلص منها
ومين فينا ماإتخضتيش من فرقعة بالونة..
ومين فينا مانفسهاش تاكل كل يوم محشى..بس على الجاهز..وماتطخنش
ومين فينا مابتقولش يا ليت الشباب يعود يوماً لما بتشوف صور الخطوبة
ومين مانفسهاش يجيلها وردة…
مين فينا مهما كانت شخصيتها مبيأثرش فيها الكلمة الحلوة..
ومين فينا مجوهاش طفلة مهما بتقسى مهما بتنسى دايما محتاجة للحظة طفولة…
مين فينا مش جواها حاجات مركونة من فترة و مقفولة..
