كيكة الكريم كراميل رووووعة
مقدمة من مطبخ آمنة السيد أحمد
مدة التحضير ٣٠دقيقة
مدة الطهي ٥٠دقيقة بالفرن و٤ساعات بالبراد
المقادير :
الطبقة الأولى:
سكر مكرمل (محروق) بنحط كوب سكر ابيض في مقلاه غير لاصقة بس يذوب ويصير لونه ذهبي بنحطه في القالب
الطبقه التانيه الكاسترد :
في الخلاط 3 بيضات كوبين حليب سائل وربع كوب حليب بودرة ملعقتين فانيلا وكوب سكر بنضربهم شوي وبنحطهم فوق السكر
الطبقة التالته الكيكه :
بنحط بيضتين وملعقتين فانيلا وبنخفقهم وبنحط عليهم نصف كوب زيت ونص كوب سكر مع التحريك ونص كوب حليب وبنحط كوب الطحين شوي شوي وبنحرك بعدين بنحط ربع كوب كاكاو و 3 ملاعق صغيرة بيكنج باودر مع التحريك الخفيف وبنحطهم فوق الكاسترد وبنحاول نوزعهم واحنا بنصب في الصينية بس بدون ما نستخدم الملعقة
بعدين بنجهز صينية مقاسها اكبر شوي من القالب الي عملنا فيهم وبنحط في الصينيه قالب الكيكه وبنصب مية مغليه عليه (حمام مي ساخن) وبندخله الفرن ع 180 حسب الفرن من (50دقيقة – ساعه وربع) وبس تخلص بنتركها ساعه تبرد برا الفرن بعدين بنحطها بالتلاجه اقل شي 4 ساعات بعدين بنطلعها وبنحطها بحمام مي ساخن 4 دقايق او اقل شوي … وصحتين وعاافية
