بقلم مروة حسني
أى شاب بيقدم على الإرتباط من بنت بتواجهه مشكلات كتير مش بس من المجتمع المحيط بيهم لا بتواجهه مشاكل مع البنت اللى بيرتبط بيها أياً كان نوع الإرتباط وأحيانا كتير بتنتهى العلاقة تماماً بسبب عدم قدرة الشاب على المواجهه أو حل المشكلات دى والنهارده فى سحر الحياة هنحاول نستعرض سوا جزء من المشاكل دى ونحاول نساعد الشباب فى حلها
أولا :-متخليهاش تبقى خايفه وهى جنبك
متخليهاش تحس أنها خايفة تكلمك مثلا عشان متعطلكش أو خايفة تعمل حاجة غلط لتسيبها حسسها دايماً بالأمان وإن الخوف ده هيستنزف كل الطاقه عندكوا انتوا لاتنين وهيخليكوا تعيشوا بس علشان تراقبوا بعض
ثانيا:- النقاش
البنت بتحب الولد اللى بينقاشها فى كل قرار مش يأمرها ودا هيخلي العلاقه مابينكوا جميله وودوده كلمه (هو كده ) أكتر حاجه بتضايق أى بنت لانها بتعتبر ان دى اوامر بتفرضها عليهاا لما ترفض حااجه اقولها مبرر تقتنع بيه واتناقشوا ولو مش اقتنعت حاول تلاقى بديل يرضيهاا يعنى مثلا متقولهااش متخرجيش مع أصحابك وانت خانقهاا فى البيت طوول اليوم لكن تقدر تحسسها بخوفك عليها وهيه هتقتنع أكيد .
ثالثا مش شرط تكون رومانسي لدرجة اوفر علشان البنت تحبك،ممكن بحاجات بسيطه توصلها انت قد ايه بتحبهااا
رابعا :- البنات بتحب تتسند على حد
البنات مهما كانت شخصيتهم قويه لكن بيجى عليهم وقت بيحبوا يبانوا أنهم ضعااف قدام الطرف التانى فحسسها انك سندهاا وضهرها خصوصا فى المواقف التى بتكون محتاجاك جنبها واوعى تخذلهاا فى أى مره
خامسا المشاركه
البنت بتحب أنك تشاركها فى كل حااجه بتحبها (القراءه – الموسيقى – الزيارات العائليه ) فشاركها فى اللى تحبه هتحبك بزيااده
سادسا :- لوانت مش مشغول دايماا ومش فااضى ترد عليهاا قدامك حل من الأربعه :-
رد عليها لو أنت مشغول وقولها هكلمك لما أخلص.
كنسل وابعتلهاا رساله
اتفق معاها ع الاوقات اللى انت فااضى فيهاا
لو نايم أو مخدتش بالك من التليفون مثلا حاول تخليك «gentle» وتكلمها بعدها أول ما تشوف الفون .
“كل دى حاجات ممكن تشوفها بسيطة لكنها أساس فى أى علاقة بالنسبة للبنت وبتهتم جداا بالتفاصيل اللى أنت شايفها بسيطه وبتأثر جداً فى العلاقات وممكن تنهيها تماماً لو مخدتش بالك منها” .
