اسم الوصفة: باباروتى
مقدم من الشيف: هبة عادل
مدة التحضير: 30 دقيقة
مدة الطهى: 30 دقيقة
المقادير:
للعجينة:
2 كوب دقيق
2 م ك سمنة طرية
1.5 م ك لبن بودرة
3 م ك سكر
بيضة
فانيليا
م ك خميرة
ماء للعجن
مكعبات صغيرة زبدة للحشو
للتوبينج:
تلت كوب دقيق
2 م ك زبدة
بيضة
تلت كوب سكر بنى
نص م ص قرفة
م ص نسكافيه مذوبة ف م ك ماء
فانيليا
الطريقة:
للعجينة:
نخلط الدقيق مع اللبن البودرة والسكر والخميرة وبعدين نضيف السمنة والبيضة والفانيليا ومية حسب حاجة العجين ونعجن لحد ماتبقى عجينة ناعمة ونغطيها ونسيبها تخمر ف مكان دافى
لما تخمر نقطع منها كور متوسطة الحجم كدة ونحط ف قلبها مكعب زبدة ونقفلها كورة تانى ونحطها ف صينية على ورقة زبدة ونسيبها تخمر تانى
للتوبينج:
نخلط البيضة والسكر وبعدين الزبدة والفانيليا ونضيف القرفة والنسكافيه وف الاخر الدقيق وضربتهم حنبقى عجينة زى الكريم شانتيه كدة ف قوامها ونحطها ف كيس الحلوانى
نجيب كور العجين ونمشى عليها بالتوبينج زى الصورة داير مايدور ع الوش وندخلها الفرن على 180 لحد ماتستوى وحتبقى زى مانتوا شايفين كدة حيسيح التوبينج ويغطى العجينة كلها من برة وتبقى لونها بنى كدة وبالهنا
