الدقة الغزاوية لمحبي الحار والفلفل الاخضر
مقدمة من :حليمة ابو شيخة
مدة التحضير:5 دقائق
مدة الطهي: لا يوجد
مكونات الدقة
(٦) قرون فلفل أخضر حر، منزوع البذور ومفروم ناعم
(١) حبة بصل متوسطة الحجم، مفرومة ناعم
(٢) ملعقة صغيرة بذور الشبت(عين جرادة)
رشة ملح
(٢) حبة بندورة متوسطة الحجم، مفرومة ناعم
عصير ليمونة
(٣) ملاعق طعام زيت زيتون
طريقة التحضير
منحط أول أربع مكونات بصحن المدقة ومنضل ندق لحديت ما ينهرسوا المكونات منيح يصيروا متجانسين وزي المعجون:) هلأ منضيف البندورة ومندق شوي شوي لحديت ما كل البندورة تنهرس، منضيف عصير الليمون ومنخلط، ومنسقيها بزيت الزيتون عالوش. عادة بتتقدم بنفس صحن المدقة(الزبدية) وبتتغمس بخبز عربي. صحتين والف عافية
