قلب الوطن موجوع
بقلم : الشاعر محمود شعراوي
قلب الوطن موجوع
ولا حتفيده الدموع
والناس بقت ألوان
إنسان ومش إنسان
فاهم ومتجاهل
عالم لكن جاهل
والأمر مستاهل
يبقاله ميت موضوع
الناس بقوم تايهين
عاقلين علي مجانين
حدوته ف كلمتين
وجعه صبح مشروع
يااا شعرك اللي شاب
والعمر لسه شباب
واللي ضميره غاب
خلاص مالوهشي رجوع
قلب الوطن بيئن
ولا يتحسبشي بسن
غسل دموعه وحن
بس الفرح ممنوع
قلب الوطن قلبي
ووريده من غلبي
ماشافشي يوم راحه
وف ناس كتير مخدوع
صوت الوطن مدبوح
ضهر الوطن ملووح
لكن ف نبضه روح
وصوته مش مسموع
قلب الوطن موجوع
