شبل محارب تخطي كل حدود الألم والفشل واليأس وأصبح أسد جسور يحارب في دنيا الألم
ايــوة انـــا الشخص اللى فى الصورتين
انــا اللى كنت تخين جدا ووزنى 160 كيلوانا اللى صحابي كــانو بيتكسفو يخرجو معــايا عشان كنت تقيل فى المشــي ولما كنا نركب عربية يقولولى العربية تقـــيلة انــزل يا #شبل العفشة هتبوظ فعلا كان بيحــصل انــا اللى كنت اروح ادور على هدوم مكنتش بلاقى مقــاسي كنت لما القى مقاسي كنت اشترى من نفس الصنف كذا قطعة عشــان مش هلاقى تـــانى ايــوة انا اللى كنت الناس بتضايق لما اركب موصلات عــشان كنت باخد مكــان كبير انـــا اللى كنت بشــيل جوايــا واسكت وكنـــت #طيب من جوايــا
بس لمــا قعـــدت افكر فى كـــل دة قــررت انى اخس واعمـــل حاجة حــرمت نفسى من اكل كتير كنت بحبو يمكن كان ممكـــن اكل فى اليوم سفندى بس او فاكهة او ربع رغيف
انــا اللى قررت من جوايا انــى اتغــير وجريـــت وكنت بنزل الجيم يوميـــا ومش يأست كان بيعدى عليا شهر مش اخس وشهــر اخس ووصـــلت بعد عنــاء وتعـــب وكـــانت النتـــيجة ان كــــله كان بيحــاول يصاحبك ويخرج معــاك حتــى فى الجامعة بعد ماكــانو بيبصولك بسخرية بقيت شخص بينظرو ليك بنظرة تانـــية ايوة بقــيت بجــيب لبسي بسهولة والسواق اللى مكنش بيرضي يركبني عشان تخين بقيت بالنســـبالو شخــص عـــادى ايـــوة خـــسيت ولعبت ملاكمة واخدت بطــولة واتغــيرت من الانســـان الكسول التخين لشخص تـــانى خـــالص بس عرفت سعتهــا ان الغلط مكنش فيا الغلط فى #النـــاس اللى دايمــا بيخدو الشخص بمظهرو مع ان ممكن يكـــون جواه كنز وممكن شخص يكون جميل وكل حاجة حلوة بس من جواه شخصية قبيحة جدا جدا ويمكـــن مشكرتش ربنا على نعمة الارادة دى وكنت مهتم بجـــسمي والتمرين ولما تعــبت بسرطان الدم مزعلتش مع انى قعدت فترة بتألم وبنزف ولا اقدر امشى ولا اتحرك بس كـــنت مبسوط كنت حـــاسس ربنا بيقولى فوق ادامك فــرصة تقــربلى وبجــد مهما شكــرت ربنا مش هقــدر اوفى لانـــى اتعـــلمت كتـــير ولسه بتعـــلم وظنى فى ربي ان يشفيني ويشفي مرضى المســـلمين كبــير
#بالمناسبة ممكن صحابي اللى كانو بيقولولى الكلام دة يكونو بيقروه دلوقتى ويفتكرو اد ايه كنت بضايق صدقونى بابتسامة بكلمة حلوة ممـــكن تفرح انـــسان وبكلمة انت مش تقصدها ممكن تخليـــه يتجرح من جواه
بقلم
المحارب الجسور أحمد شبل
