بناتكم
كتبت: جهاد مجدي
*اكيد طبعا بناتكم هما شرفكم و عرضكم لازم تعرفوهم الصح من الغلط و الحلال من الحرام .
*بس نصيحة بلاش تخنقوهم و لا تقفلوا عليهم اوي عشان متفقدوش السيطرة عليهم .
*اصل بمجرد ما تيجي الفرصة انهم يخرجوا برا جو البيت و الاسرة اكيد الحرية اللي كانوا مشتاقين ليها هتخليهم يغلطوا .
*اصلكم مدتوش ليهم مصل ازاي يتعاملوا مع العالم فلازم هيضحك عليهم .
كل ام قربي من بنتك خليكي صاحبتها و سرها عرفيها كل حاجة عن اي حاجة متخليهاش تاخد النصيحة من اي واحدة صاحبتها و تديها لها بطريقة غلط خليها لما تغلط تيجي على طول تقول لك عشان انتي صاحبتها مش عشان خايفة منك .
كل اب قرب من بنتك خليك ناصح جيد ليها اديها كل حنانك مش كل حاجة تقول لك عليها تبقى ( لا – حرام – عيب – انتي بنت ) اديها مساحة من الحرية و الثقة و اتأكد انها عمرها ما هتستخدمها غلط اصلها قبل ما تعمل اي حاجة غلط هتفتكر انك مديها ثقتك و هتخجل من اي غلط تعمله .
كل اخ خليك صاحب اختك قرب منها اوي خليك سندها لما تقع في مشكلة اصلك انت اول ولد هي تصاحبه و تبقى واثقة ان الصداقة دي صح متخليهاش تدور على الصداقة دي بره اصل اي صداقة بين البنت و الولد لازم نهايتها تكون غلط .
خلاصة القول : –
قربوا من بناكم و صاحبوهم .
_احتوهم داخل الاسرة عشان ميدوروش على الاحتواء براها .
