مشكلة من بريد الحياة
عندما قرأت رسالتك أستعجبت من أمر المرأة التي كرمها الله وأعطها كل الحقوق وأوصى عنها رسول الله ،وهي تهين نفسها وتقلل من شأنها ،لماذا مازلنا نمشي على نهج ضل راجل ولا ضل حيطه لا ياعزيزتي أحياناً الحيطة أفيد من هذا الرجل ،المراة التي ترضا بالقهر من البداية ستقهر العمر كله .
مشكلة اليوم
انا عندي مشكله ومش عارفه اي حله انا مكتوب كتابي بقالي سنه وكان قبل كتب الكتاب كان كل مشكله تحصل يقوم يبعد مش بيحله وميسالش فيه سواء انا الا غلطانه او هو ومع ذلك كتب الكتاب عشان كنت لازم اكتب الكتاب عشان اعرف اجهز نفسي عشان يطلع لي فلوس وبعد كتب الكتاب بدءت المشاكل تكتر ووصلت انه مد ايدو عليه كام مره وكان يسبني بالاسابيع ميسالش ووصلت انو شتمني بااهلي ورحت اشتكيت لاهلو وقال انه معدش عامل كده بدء بق يتلكك واي مشكله يبعد وساعات يقولي ابعتلك ورقة الطلاق ووقت مايهده يجي يصالحني واخر مشكله حصلت كانت هايفه عشان بقولو خليك مع صاحبك قام عملي بلوك فون ونت وبعد ولا بيسال وبيقول انو معدش يشوفني ولا يكلمني الا قبل الجواز بااسبوع انا محتارة ومش عارفه اعمل اي واي القرار إلا اخدو.
حل المشكلة
عزيزتي نصيحتي ليكي هيا بالفرار وإياكي والظن بأن ذلك الرجل سيتغير بعد الزواج ،هو بالفعل هيتغير بس للأسف مش للأحسن بل للأسوء،نصيحة لكي أن تبتعدي قبل فوات الأوان لأن الجواب باين من عنوانه عزيزتي،أبعدي وسيعوضك الله خيراً منه ،وأرجو من كل أمرأة لاتقبلي بالإهانة ولا بالذل ،من يقبل بدايةً يقهر للنهاية .
قامت بالرد على المشكلة أ. دعاء سنبل
