ديتو
هالة فتحي
شادي شديد
شادي
===
هو احنا ليه مش احنا
و لا كنا زي ما كان
ايه اللي بينا اتغير
مش زي ما احنا زمان ؟؟
هاله
===
عندك اكيد اسباب
و انا عندي منها كمان
مين فينا كان كداب
و مين صدق قام هان
شادي
===
يمكن محدش كدب
بس الروتين و الملل
و ظروف و كيت علي كيت
قتلوا الفرح و الأمل ؟!
الفكره مش ف الليل
و لا حتي ضي و راح
انا و انتي عشنا ليالي
بين ضحك علي افراح
في ما بينا شبه براح
عمال بيتلاشي
مسامير فتور ف فتور
و لازمها كماشه
مش فارقه مين مسئول
الفيلم مش معدول
ف يا نلقي اي حلول
يا ندغدغ الشاشه
هاله
===
البعد سهل عليك
لكنه صعب علي
و ازاي بلا شبابيك
حنلاقي بكره الجي
بطلت مد ايديك
و الخطوه وسعت بيك
كان قلبي مزروع فيك
و الزرع مات بلا ري
شادي
===
و الله شيء م سهل
بس الطريق ده غريب
عايشين بقالنا كتير
ف مرار و سيب و انا اسيب
مش قصدي سهل نبيع
و يكون خريفنا ربيع
ولا سهل عندي نضيع
ولا سهل عندي نغيب
انا نفسي روحنا تطيب
هاله
===
و انا نفسى تبقى حبيب
زي اللي كنته زمان
اللهفه تبقى لهيب
و الكف شوق وحنان
ليه النار بتصبح تلج
و السور علي بقى برج
صادفت خيل بلا سرج
خياله بات كسبان !!
شادي
===
انا هو هو الشخص
والله ما اتغيرت
بس انتي متاثره
اضعاف ما انا اتاثرت
كتر العتاب بقي بور
و الصمت طفا النور
معذوره و انا معذور
مكسوره و اتكسرت
هاله
===
مش طبع فيا اللوم
و لا ح ارضى بيك مظلوم
انا و انت شئ محسوم
كتبه علينا البعد
طول ما اللقا بقى فرض
لابد نتنافر
قطبين بيشبهوا بعض
و النبض بيعافر
..
و وصلنا … للاخر
شادي
===
البعد مش محتوم
و انا بيه مانيش قابل
ليه خدنا كل ما بينا
حابل علي نابل
لو حتي قلتي فراق
هفضل باغير و اشتاق
سمي ملوش ترياق
غير تاني نتقابل
هاله
===
ريحت قلبي خلاص
يا كيان من الاحساس
انا كنت خايفه انداس
و تفوتني لما اطلب
يا شاريني بالاخلاص
يا ساندني لما اتعب
حقك عليا سماح
عشقي لعينيك رماح
و القلب لما ارتاح
رجع الهوا بالفرح
..
ما تقولش حاجه بلاش
العشق فاض بالشرح
شادي
===
مين دي اللي يوم تتداس
ولا عاش ف يوم و لا كان
بكفايه حزن كمان
مش لايقه اصلا فيه
لو عايزه يوم اثبات
اتمني مثلا شيء
تلاقيه قصاد منك
قبل اما تتمنيه
انا مش هقول ولا اعيد
مقدرش تبقي بعيد
حبك ف قلبي وريد
مقدرش اعيش غير بيه
…
للمزيد
مدير قسم الأدب و الشعر
علا السنجري
