مقدمة من / إنجي وليد
وقت التحضير : 15 دقيقة
وقت الخبز : 35 دقيقة
المقادير :
كوب ونصف دقيق
معلقتين زبده او سمنه او زيت
كوب الا ربع سكر بودره
3 بيضات
كوب زبادي
ربع كوب ماء ساخن
معلقتين كاكاو خام
باكيت بيكنج بودر
نص معلقة فانيليا
رشة ملح
للصوص :
كوب شيكولاته خام
نص كوب حليب او كريمه شانتيه مخفوقه
معلقة زبد
معلقة كاكاو خام
للحشو :
كريم شانتيه مخفوقه مع اضافة معلقة كبيره كاكاو خام
للزينه اي نوع بسكوت متوفر عندك
الطريقة :
– بخفق السكر والزبده ثم بضيف البيض والفانيليا واستمر في الخفق ثم بضيف الزبادي . ورشة الملح
– نقلب مرة اخرى ثم نضيف الماء الساخن
– في وعاء جانبي نخلط الدقيق والكاكاو والبيكنج بودر وانخلهم عشان يختلطوا جيدا
– ننزل بالدقيق ع خليط السوايل وبقلب في اتجاه واحد حتي يختفي الدقيق
– ندهن قالبين صغيرين وببطنهم بورق زبده . وبصب خليط الكيك بالتساوي
– ندخل الكيك لفرن متوسط الحراره . ومش بسخن الفرن . لانها بتنشف لي الكيك وبتخلي القلب ني
عشان كده بشغل الفرن وادخل الكيك
– نتركه من 25 الي 30 دقيقه . او اقل
ملحوظة مهمة جدا :
لا نفتح الفرن قبل مرور 20 دقيقة
– نخفق كريمه شانتيه لحشو الكيك
– بكون مجهزة صوص شيكولاته او حتي كراميل ( اختياري )
الصوص :
– نخلط كل المكونات مع بعض ونحطهم في وعاء وعلي حمام ميه مع التقليب . وبس
اتحكمي في قوامه براحتك
لو عوزاه خفيف زودي كريمه
عاوزاه تقيل زودي شيكولاته وده بيكون جناش
و الف هنا على قلوبكم يارب
مدير تحرير قسم المطبخ بمجلة سحر الحياة / نيفين منصور
