رشاقتك مع إيمان
عاوزة اعمل دايت لكن انا نباتي ومش باكل لحوم او بروتين حيواني اللي هو اساسي في بناء العضلات. او الحالة المادية لا تسمح بأكل اللحوم طول الاسبوع
الحل اية؟؟
عشان نعوض البروتين الحيواني لازم نجمع اكتر من نوع من البروتين النباتي
ومش بس كده لاااااازم نضيف عليه اي مصدر لفيتامين C
مثلا :
بقوليات + حبوب + اي مصدر لفيتامينC
(بقوليات)
زي فول – عدس – حمص
(حبوب)
زي رز – سمسم – شوفان – مكسرات
مصادر فيتامين c اللي ممكن نضيفها للاكل
زي( الليمون – البرتقال – نقط فيتامين c )وبكده ‘نقدر نعمل نظام غذائي صحي ونعوض البروتين الحيواني و نقدر نبني عضلات ونحافظ علي شكل جسمنا
عشان تخسي دهون
وتحافظي علي عضلاتك ونضارة بشرتك وتحافظي علي رشاقتك لازم تغيري اللايف استايل بتاعتك وتخليها صحية اكتر .
ودي شوية تعليمات لازم نلتزم بيها عشان نخس كويس ونشغل حرق جسمنا
1-كلي 5 مرات فاليوم
2-اشربي كل 20 دقيقة
3-نامي 8 ساعات بليل
4-خدي حقنة فيتامين D كل اسبوعين
5-اعملي فري يومين لو عندك ثبات في الوزن
6-متمنعيش وجبة العشا لكن خليها وجبة صحية خفيفة
7-الافضل متناميش قبل ما يمر 4 ساعات علي وجبة العشاء
8-لو حامل متاكليش ل2 ، بنبداء نزود سعراتك بعد اول 3 شهور
-ونصيحة متهتميش بالميزان فقط ، قيسي بالمازورة الميزان مش مقياس
كوباية ميا ممكن تزودك نص كيلو علي الميزان.
عايزة تبقي ماكينه حرق . هاقولك ازاي بطريقة اسهل .
(سؤال وجواب)
سؤال انا بأكل وجبة وحده في اليوم عشان اخس؟
جواب غلط جداً لما تكلي وجبه وحده بتقللي نسبت حرق الدهون في الجسم وبالتالي بتبقي جعانه بتكلي مره وحده علي جوعه بتتخني اكتر
سؤال باكل الوجبة بتاعتي وبفضل جعانه اعمل ايه ؟
جواب كلي براحه وعلي اقل من راحتك العقل بيدي إشارة للمعده بعد 20 دقيقة بانك خلاص شبعتي وكفايه اكل حته لو كنتي اكلتي ملعقة ارز بس
سؤال انا مش بحب اشرب ميه كتير بحس ان معدتي تعبت ؟
جواب اشربي كل 10 دقائق 2 كوب ماء وبكده هتكون المعده مرتاحه وتكوني شربتي ميه كتير خﻻل 24 ساعة
سؤال انا مش بحب اشرب ميه أصلا ؟
جواب لو بتشربي من الحنفيه حولي تجيبي فلتر الميه بتعته خفيفه ومهمه بتشربي مش بتشبعي او اعصري نص ليمونه علي 2 لتر ميه هيدلها طعم تحفه او ملعقه صغيره ماء ورد طبيعي
سؤال انا بجوع بين الوجبات اعمل ايه ؟
جواب كلي خس جزره او خياره او بقدونس جميل جدا وبيساعد في حرق الدهون
سؤال انا بوزن نفسي بعد اسبوع بلقي نفسي مخستش او خسه نسبه بسيطه؟
جواب غلط خرجي الميزان من حياتك الفتره دي عشان هتحبطي عايزه تعرفي خسيتي وﻻ ﻻ قيسي هدوم كانت ضيقه عليكي وهتعرفي اكتر بالهدوم ساعات بتخسي بس مش بيبان بالميزان ويبان في الهدوم
تمنياتي للجميع بالصحة والرشاقة
خبيرة التغذية . إيمان عبد الرحمن
رئيس قسم صحتك بالدنيا نهي علي 
