بقلم ندى إمام
سمعت منذ فترة عن مقولة تقول ان الرجل يحب الفتاه الذكيه المستقله لكنه يخشي الارتباط بها .. لكن الحقيقه انا ارى ان هذه المقوله غير صحيحه و غير مقنعه . و كلامي ليس وقوف في صف الرجل او محاوله لكسب جمهور قراء رجالي لكنها وجه نظر اقتنع بها تمام الاقتناع . الرجل لا يخشي الارتباط بفتاه ذكيه لكن هو بيعمل حساب دماغها و تفكيرها لان اقناعها في اغلب الوقت ليس بالامر السهل و هيكون محتاج دايما حُجج قويه حتى تقتنع بكلامه و الرجل في اغلب الاوقات بيحب يريح دماغه و مش عاوز طول الوقت يكون بيفكر و يركز عشان يقنع الشخص اللي قدامه سواء رجل زيه او ست فبيكون بالنسباله الست المتوسطه الذكاء اريح في التعامل مش اكتر .
اما فكره المرأة المستقله لم تكن مزعجه للرجل كما يعتقد اكثر الناس علي العكس الرجل يحب ان تكون شريكته في الحياه شخصيه تستطيع الاعتماد علي نفسها في مواقف الحياه المختلفه لانه لا يتواجد معاها طول ال ٢٤ ساعه و يحتاج ان يشعر بالامان و عدم القلق عليها طوال فتره تواجده خارج البيت .
في مره تحدثت لي احدي صديقاتي انها لا تقوم بأي شئ الا بعد ان تستأذن زوجها و ان الرجل يحب دائما أن يشعر باحتياج المرأة و انها لا تستطيع ان تعيش او تقوم بأي شئ من غيره فهي مثلا عندها سيارتها لكن بتعتمد عليه في اي مشوار لازم هو من يقوم بتوصيلهز و يرجع ياخدها بعد ان تنهي مشوارها و مبررها انها كده بتحسسه برجولته و احتياجها الدائم له و ده هيخليه يحبها اكتر و يحس انها محتاجة له طول الوقت فيفضل موجود و حاسس باهميته لكن للاسف صديقتي دي اطلقت بعد ٣ سنين جواز و السبب ان جوزها شاف انها مش عارفه تتحمل المسؤليه و بتعتمد عليه في اتفه الامور و مش قد الحياه الزوجيه ..
عزيزتي الست و البنت صدقيني لا ذكائك بيخوف الراجل و لا كونك مستقله هيخليه يقلق منك بالعكس ذكائك هيساعدك كتير في اكتشاف الرجل المناسب و ازاي تعرفي تتعاملي معاه و لما تكوني مستقله و قادره تاخدي قرارات و تتحملي مسؤليات الحياه هتكوني في عينه شريكه حياته المثاليه . و الاهم من كل ده ان ذكائك و استقلالك هيفيدك في حياتك كلها العامه و العمليه مش بس حياتك العاطفيه فمتقلقيش و خليكي مستقله و ذكيه 
