بقلم : رانيا حجازي
إنهارده إيه فى الأيام ؟
بتعرف تعِد لحَد كام . .
إجمع كل سنين الماضى
على حبة كام حاجه حَبيتها
وإطرح منهُم كل إللي جاى
وإقسمُه على كل حاجه نسيتها
هااا كام حاجه إتبقِـتلك فكراك ؟
وكام حاجه كُنت نسيت/ انك حبيتها
ومع ذَلِك لِسه معاك . .
العدد المُجمل للأيام والآتى حسابُه
كام حَد إحتاجته ومجتش في بالهُ
وإحذفُه مِ العـدد الإجمالى
و دوّر حواليك وشوفلك مين
إتبقالك /
هايطلعلك إن إنهارده الإتنين . .
