ثروت بديع
احنا اللي خرمنا التعريفة
احنا اللي سلخنا المليم
احنا اللى خطفنا الملايين
من خزنة بنك التسليف
كان فينا كام حد لئيم
رفرف ف ربيع التزييف
انا قلبى حافظ المواعيد
مستحمل وجعك يانزيف
كان فينا كام حد نظيف
بقى رمز الخوف والتخريف
انا هاوى اكون م الحريفة
واخرم لى ييجى كام تعريفة
واستغبى ودماغى نضيفه
انا اصلى ييجى كام توليفة
من كل تضاد الحكايات
من كل مضاد الحيوات
انا حي بيعشق اموات
لا انا واخد من ارنب خاف
ولا واخد من تعلب فات
انا دايرة ف وسط التعريفة
انا عارف انى اللى راسمها
وصرفها كام حد لئيم
انا لسه حافظ المواعيد
مستحمل وجعك يانزيف
