بنقدم قماش شرقى منسوج على نول يدوى.
بستوحى التصميمات من تراثنا الثرى جدا .
اهم المشاكل اللى بتواجهنى نقص المواد الخام الاوليه .
طموحاتى قماشنا يبقى براند عالمى معروف فى العالم كله.
حوار :غاده محسن ابراهيم.
صناعتنا المصرية لها ذوق خاص ،جمال ورونق لا يقلد حتى بأحدث الماكينات الصناعيةالحديثة.
فأذا وجد معرض عالمى ؛يسهل تمييزة من بين جميع المعروضات ،فهى صناعه مصرية.
فنانا اليوم يصنع الاقمشه المصريه ذات الطابع الشرقى الجميل،بالوان زاهيه وتصميمات جذابه وتتميز اعماله بالاصاله والشياكه.
-فنانا عرفنا على نفسك؟
الإسم:أحمد محمد عبد الجواد ،بكالريوس خدمة اجتماعية.
حدثنا نبذه عن عملك؟
بنقدم اقمشه شرقية منسوجة على نول يدوى (موريه-ملس-الاحه)اسمائهم غريبة ولكن انهاردة اصبحت بفضل الله فى كل خطوط الموضة تستخدم فى الديكور ،الاثاث،الشنط والأكسسوار.
اما التطريز بعد اصبح اتجاه عالمى ،بدأنا نفكر اننا منستوردش من بره ونصنعة هنا بجودة عالية؛والوان مبهرة تبقى افضل من المستورد بفضل الله استخدمنا افضل الخامات وحاولنا نعمل تصميمات نفتخر بانها منتج مصرى محترم.
-مم تستوحى تصميماتك؟
بستوحى تصميماتى من تراثنا الثرى جدا ومن تصميمات عالميه عشان نبقى فى خط واحد ونحاول نسبقهم بخطوة كمان لية لأ.
-ما المشكلات التى تواجهها اثناء عملك؟
مش بحب اذكر مشاكل وبحاول بعون الله اتغلب عليها لكن اهمها مشكلة نقص المواد الخام الاولية(الحرير-القطن-الصوف).
-هل اشتركت فى معارض؟
اشتركت فى معرض واحد بالقاهره و3 بالاسكندريه لحفاوه استقبالهم لشغلنا واتمنى من ربنا المشاركة فى معرض دولى بره مصر نشرف بيه بلادنا.
-هل فكرت بتصدير منتجاتك للخارج؟
احنا الحمد لله بنصدر للخارج وهى موجوده حاليا فى بلاد عربيه واوربيه كمان.
ما يقوم بمساعدتك فى عملك؟
بيساعدنى فى شغلى فريق عمل كامل وسندى فى شغل ودنيتى هو الله .
-ما هى طموحاتك؟
طمحاتى لحد السما بس بحب امشى خطوة خطوة ، حلمى حاليا يبقى قماشنا فى كل بيت ؛واتمنى ان قماشتنا تبقى براند عالمى معروف فى العالم كله .
نشكرك يا فنان ونتمنى لك تحقيق كل احلامك.
