ثروت بديع
جوه ف روحنا
يبات الكون مستنى
كلمة حب
و نبض قلوبنا عيدان بتدندن
نغمة ود
كلام له رد
وكلام يترد
وأهى ماشية طول أوعرض
أيام وجعة وأيام فرحة
أيام حزينة وأيام مرحة
تدور بينا السما والأرض
أيام متحننة و هادية
وأيام تاخدنا بالقاضية
أيام متنرفزة وغاضبة
أيام تنتطط ف العيون عفاريت
لكل دقيقة تحت السما توقيت
ساعات نِغْنا
تروق لينا تنغنغنا
ساعات تقول ياريت زقة
نبات ناكلها بالتيلة و بالدُقة
ساعات متتلجة وباردة
ساعات متلهلبة ووالعة
ساعات حلوة وساعات دلعة
ساعات من قسوتها وقسوتنا
نولعها بنار كبريت
لكل دقيقة تحت السما توقيت
ساعات تعدى مننا التواقيت
ونتناسى وبننسى
لكن إلهنا مابينسى
ولابيغفل ولا بينام
ولابتخدعه الأيام
وكل يوم بيطمن
على ارواحنا
يداوى بالرجا جراحنا
ليلاتى يطبطب على قلوبنا
نقوله يارب خلاص توبنا
لا يعاتبنا ولايولمنا
ويقول كنت فين يابنى بعيد
تعالى بقى كده ف حضنى
بقالى كتير مستنيك
بتوحشنى
مدير قسم الادب والشعر
علا السنجري
