قصيدة ” الصحاب ”
كلمات / ابانوب تاوضروس
شكراً لكل اللي في كسرنا
صبح لينا سند
واللي وقت المحنه
صار لينا وتأد
شكراً من قلبي ميت مره
للأصيل اللي ثابت علي مبدأ
اللي خافي عندة زي اللي بره
و في الخيانة عمره ما يبدأ
شكراً للي صار دواء
في عز حزننا
شكراً للي كان جنبنا
شكراً للي صار مننا
شكراً للي روحه حنينه
وجراحنا عليه مش هينا
شكراً للي خلانا نشوف الخير فينا
واحنا فاقدين الامل في نفسنا
شكراً للي ورونا الحلو في قلوبنا
واحنا جوانا كل حاجه مطيينه
شكراً للي حياتنا وياه صبحت الطف
شكراً للي حمولنا معاه صبحت اخفف
انا محظوظ بيكم علي فكره
و نفسي اكمل وياكم بكره
انتوا حاجات كتير حلوه
في عز اوجاع الحياه
انتوا اللي بتمني عمري معاكم
يكمل لاخر منتهاه
انتوا اللي مليته فراغ
كل الاحباب اللي فارقته
انتوا اللي حسستونا
ان المركب رغم الميه اللي مليتها
عمرها في يوم ما غرقت
شكراً مش كفايه لكل صاحب بجد
الزمن مقدرش يغيره
ولو عندك الصاحب ده في حياتك
بعمرك اشتريه وقدره.
