رفقا بقلوب لا يعلم بالامها الا الله
بقلم الكاتبة: مها نور الدين
شوفت ناس كتير مشيره صوره العروسه وكل الكومنتات تريقه عليها وان ازاي لبسه طرحه وهي لابسه فستان مكشوف ناس كتير قالت انها قبطيه وعندها كانسر ايا كان مسلمه اوقبطيه دي( حريه شخصيه) منقتحمهاش بالتريقه والتجريح (ووارد يكون عندها كانسر) عشان كده كانت مغطيه شعرها وكان نفسها تفرح زي اي بنت في يوم فرحها
مكنتش حابه انها تلبس باروكه دا حقها ايا كانت هي مين وتصرفها دا ليه اللي كتير منا استكتره عليها وخلاه ماده للمزاح والتريقه علي انسانه لا يعلم الا الله اللي جواها وايه سبب تصرفها
ومن تعليقات الناس اللي قريتها حسيت اد ايه هي ممكن تنجرح لو قرت كومنت واحد من اللي انا قريتهم ياريت من القصه البسيطه دي نتعلم اننا منحكمش علي حد بالظاهر ولو مقدرناش نعرف الحقيقه منجرحش في حد لاننا منعرفش ايه الحقيقه وراء تصرفه رفقا بقلوب لا يعلم بوجعها الا الله فكم من ابتسامات تخفي ورائها بحور من الدموع
