مسقعة قليلة السعرات
من صديقه سحر الحياه awatif elshamy
المقادير
ك- باذنجان رومى …ا/4 ك فلفل (او اكتر حسب الرغبة )… 4حبات طماطم متوسطة مقطعة قطع صغيرة او مبشورة ..2 معلقة صلصة 5 فصوص توم كبارمدقوق ..زعتر جاف ..4ملاعق كبيرة خل ابيض ..كمون ..شطة حسب الرغبة ..ملح ..زيت الطريقة يسخن الفرن جيدا حتى ترتفع حرارته يقطع الباذنجان بسمك معقول (انظرى الصورة) وقطعى الفلفل ويرص فى صاج ويدهن بالزيت جيدا ويرش يقليل من الملح يدخل تحت الشواية مباشرة 
(لاحظى القطع الموجودة فى منتصف الصاج تحمر بسرعة لذلك تابعى الفرن وقلبى القطع وغيرى مكانها )
(الفلفل يحمر قبل الباذنجان ويراعى رصه بحيث القشرة لفوق) الباذنجان بياخد حوالى 15-20 دقيقة للوجهين بيكون احمر تمام مثل الصورة
فى اناء على البوتاجاز ضعى ملعقة زيت وقلبى فيها التوم وعندما تظهر ريحته ضيفى الخل وقلبى ثم ضيفى الصلصة وقلبى جيدا تم الطماطم وافركى الزعتر فى ايدك وضيفيه ثم الكمون والشطةواظبطى الملح واتركيه تتسبك قليلا فى صينيه فرن ضعى قليل من الصلصة اللى جهزتيها ثم رصى الباذنجان والفلفل وبينهم الصلصة ودخليها الفرن ربع ساعة تقدم مع جرجير وخس وبالهنا والشفا (لنجاح هذه الطريقة .. قطعى الباذنجان بسمك معقول ..ادهنى القطع بالزيت من الناحيتين وسخنى الفرن كله قبل تشغيل الشواية حتى تحصلى على قطع باذنجان طرية وجميلة)
