مشهد مستفز عن مسلسل ابن حلال اتحدث
بكل المقايس لا يصلح تجسيد مشهد في مسلسل لابن يعتدي علي والده بالخرطوم عشان ياخد حقه منه لانه اب ظالم من وجهة نظرهنفترض انو فعلا اب ظالم مشهد بالشكل ده لا يصلح انو يتعرض علي الشاشات واطفال يشاهدوه للاسف بنرسخ في زهنهم انهم في يوم ممكن ينتقمو من اهاليهم ايا كان الاباء علي صواب او ظالمين وللاسف في نفس اللحظه مشهد ضرب سعد لابنته لحد ما تفقد حياتها ترسيخ لكره الابن والبنت للوالد في زهن المتلقي وتنويم العقل الباطن وسحبه لمنطقه خطر منطقه الكره والانتقام المبرر في زهن الابناء من الوالدين ربنا في القران مقلش كده موصناش بكده حتي لو اهالينا كفره دا حتي قال ولا تجادلهما
لاكن تجسيد مشهد ضرب واخر المشهد قتل بالحرق بالنار شئ لا يقبله العقل كان من الممكن المؤلف يجعل عقاب الاب بطريقه اخري والوسائل كتيره ولا يصلح تبرير مشهد بمثل هذه القسوه انو موجود في الحياه مش كل شئ بيحصل في الحياه لازم يظهر ويتجسد علي الشاشات في ناس كتير متربتش علي الانتقام بالشكل الفج ده ومن اقرب الاقربين الام والاب ليه بتعلمو اولادنا الحقد والكره لا القران ولا الانجيل قالو كده ولا تقل لهما اوف ولا تنهرهما
وَوَصَّيْنَا الإِنسَانَ بِوَالِدَيْهِ حُسْنًا وَإِن جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ
فَلاَ تُطِعْهُمَا إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ (العنكبوت
“أَكْرِمْ أَبَاكَ وَأُمَّكَ كَمَا أَوْصَاكَ الرَّبُّ إِلهُكَ، لِكَيْ تَطُولَ أَيَّامُكَ، وَلِكَيْ يَكُونَ لَكَ خَيْرٌ علَى الأَرْضِ الَّتِي يُعْطِيكَ الرَّبُّ إِلهُكَ” (سفر التثنية 5: 16)
واخيرا اقدم تحياتي و تقديري لتميز الفنانين جميعا بلا استثناء واخص بالتقدير الفنان المميز محمد رمضان الذي اثبت في هذا المسلسل ان بداخله الكثير والكثير من المفاجات لجمهوره وفنه واجبر جميع المتفرجين علي المتابعه المنتظمه للاحداث التي جذبتنا جميعا كمتفرجين لمسلسل مميزوسط عدد كبير من المسلسلات ولن انسي دور الفنان الصاعد حمزه (مسكر) حقا كنتم مبدعين
مع تحفظي علي بعض المشاهد السابق ذكرها
عن مسلسل ابن حلال اتحدث
بقلم
مها نور
