بقلم: جهاد مجدي
*عارف لما انت سبتها جرحتها قد ايه ؟!
*طب عارف هي اصلا حبتك قد ايه ؟!
*اصل مش ذنبها انك عيشتها في وهم اسمه الحب ….
*مش ذنبها انها اديتك اول مشاعر حست بيها …..
*مش ذنبها انها اديتك كل طاقة الحب اللي جواها ….
*مش ذنبها انك مكنتش راجل …..
*مش ذنبها انك لفيت و دورت و عرفت توقعها ……
*مش ذنبها انك عايز تضيف اسم جديد لاجندتك تنافس بيه صحابك و يتقال عليك صايع
*طب عارف هي دلوقتي عايشة ازاي ؟!
*عارف انها فقدت الثقة في اي راجل ؟!
*عارف انها بقت تقفل الباب في وش اي راجل غرضه شريف ؟1
*عارف امها مقهورة عليها ازاي دلوقتي ؟!
*عارف انك خليتها تعيش حياه غير سوية ؟!
*عارف انك دلوقتي ذكري الم في ماضيها و خوف في حاضرها و دمار في مستقبلها ؟!
*طب عارف ان اللي بيحصل لاختك دلوقتي بسببك ؟!
*عارف ان اللي عملته فيها اترد لك في اختك ؟!
*عارف انك سبب قهرة امك على اختك ؟!
(*) طب شوفت بقى اللي انت عملته فيها دمر حياة كام ست …. *عد معايا : -هي -امها -اختك -امك
*متهيألي لو عرفت كل ده عمرك ما هتخدع بنت
خليك عارف
