دق يا قلبى
……….
دق يا قلبى وانا بسمعلك
من غير دق انا حاسس بيك
تشتكى منهم او تجاملهم
عارف ان دى اوقات سعدك
دق يا قلبى وزيد من نبضك
دق وعمرى فى شىء ما هعارضك
عارف غاوى تقرب منهم
حاسس الدنيا دى جنة وليك
دق يا قلبى وزيد فى نبضك
واحكى لكل الكون عن حبك
وما تحكيش لعزول عن فرحك
يمكن عينه تأثر فيك
دق يا قلبى بوح بما فيك
قربك منه راح يغنيك
واقفل باب الغيره وسده
خلى النور جاى من الشبابيك
دق يا قلبى وانا بسمعلك
من غير دق انا حسس بيك
راكب بساط الريح وطاير
نبض الحب بينتح منك
اوعى تفكر فيها جمايل
شيلت الحمل ولو كان مايل
افرح باللى معاك ويحبك
وابعد عن اللى معاك بيساير
دق يا قلبى بنبض الحب
دق انا حاسس بي
دق يا قلبى
