حب أستطلاع
بريد القراء أعداد: هويدا صابر
أوقات في حاجات تدور في دماغنا تجيبنا وتودينا ياترا فلان دا مظلوم زي مابيقول ولا شيطان ، وياترا فلانه دي فعلا كل الكلام أللي بيتقال عليها دا صح ولاغلط ، وبسبب حب الأستطلاع نقرب من أشخاص أكتر من الأول حطوا ثقتهم فينا عشان نتأكد بنفسنا هما أيه من غير ما نفكر في النتايج للأسف ، ولازم يكون في أعتبارنا دايما أننا مش قد الصداقه والثقه وهنخون يبقي بلاش منهم أصلا ياريت نرتقي بأخلاقنا.
تجربة السائلة و ص:
أنا أنسه عندي 32 سنة ليه أتنين أصدقاء مقربين مني في شغلي زميل متجوز وعنده أولاد وزميله أنسه عندها 26 سنة ، في يوم زميلتي كلمتني ومخنوقه وبتقولي أن في بينها وبين زميلنا دا حب ومتفقين علي الجواز بعد طلاقه لأنه مش مستريح مع مراته ، قولتلها أنا كنت شاكه أن في حاجه بينكم ، وقالتلي أنه بقاله مده قالب عليها وبيقولها أنتي جريئه وهتوديني في داهيه والصبح جيبالي فطار ورشه برفان علي ورق الشغل أيه الهبل دا وبتكلميني وأنا مع مراتي في البيت وبقالها أسبوع بتحاول تكلمه مش بيرد وبينزل شغله بليل عشان مايشوفهاش وعايزاني أكلمه لأنه بيثق فيه جدا وأستحاله يرفضلي طلب وأعرف منه هو ناوي علي أيه معاها ، كلمته وقابلته رغم أني مش مقتنعه لأنه متجوز ومتأكده أنه مش هيطلق ، لاقيته بيقولي دي مجنونه وبتهددني بالرسايل أللي بينا رغم أن كلها رسايل عاديه ، وأنتي عارفاني كويس شوفتي مني حاجه وكل أسراري معاكي ، مره في مره بكلمه علي أساس بطمن عليه لقيته أبتدي يتعامل معايه علي اني مش صديقه ونبرة صوته أتغيرت فجأه حب الاستطلاع قتلني هو ايه غاوي يصطاد ودلوقتي بيوقعني في حبه ، قررت أني أجاريه في الكلام لحد ما أعترفلي بحبه وأني أقرب حد ليه وأن الشعور دا جواه من مده بس مكانش فاهمه ، بكلمه مره بقوله أنت مش خايف مني أسجلك كلامك دا وأذيك في شغلك ، قالي أنتي أستحاله تعملي كده وتخدعيني أنا عارف انا بكلم مين وهبعتلك تسجيل بصوتي كامل عشان تعرفي قد أيه بثق فيكي ، أنا أتصدمت رغم أني عارفه أنه متجوز وأنه أستحاله هيطلق مراته وشغلته وبقي تفكيره ليل نهار يتجوزني أزاي ، أنا حب الأستطلاع دخلني دنيا أنا مش قدهالا وعايزه أخرج منها لأني متأكد اني غلط وباخد واحد من بيته ومراته.
السائلة الكريمة:
حب أستطلاع تضيعي بيه نفسك ووقتك وتشتغلي بيه أنسان متجوز وبتقولي أصدقاء وواثق فيكي كمان عشان تعرفي مين ظالم ومين مظلوم ولما تعرفي هتستفيدي أيه هتنتقمي مثلا من الظالم مش فاهمه يعني لوكان هوظالم البنت أللي عارفه أصلا ان دا رجل متجوز هتعملي أيه ولو البنت هي الظالمه بردوا هتعملي أيه معاها ، كان فين عقلك وقتها مغيب وعلي فكره أنتي خونتي الصداقه وثقة الاتنين فيكي بصرف النظر عن مين فيهم باع التاني ، كان أولي بيكي لما عرفتي الموضوع تقنعي صحبتك تعيش حياتها وتنساه وتساعديها حتي لو كانت غلطانه ، وزميلك وصديقك كنتي علي الاقل نصحتيه وقللتي كلامك معاه بعدها ، بما ان دا كله معملتيش حاجه منه دلوقتي تقطعي علاقتك بيه فورا بحجة أنك أستحاله تربطي حياتك بحياة رجل متجوز وتكوني سبب في خراب بيته وعشان مشاعر صديقتكم أللي كانت بتحبه وتفهميه أنك غلطتي لما وافقتيه وأن مشاعر الحب ناحيته دي مش صادقه أحنا أصدقاء ومش هنكون اكتر من كده وانك مسيرك تربطتي بأنسان تكوني كل حاجه في حياته وألغي صداقتك بيه بشياكه وأنسي أن يكون في بينكم حوارات تاني أنتهي الأمر ، وأسأل الله لكي الهدايه والتوفيق وصلاح الحال.
