بتحبها
بقلم- أمل عبدالله عابد
انت فاكر قلبي أيه
انه حجر
ولا انا تمثال مش بشر
جرحت غدرت وقلت قدر
جاي تقلب تاني ليه
في اللي فات والصور
دي ذكريات ..فيها أهات
غاب حبي …غاب القمر
مبقاش بينا حكايات
كل اللي فاضل
حبه آهات وقت السهر
روح للي قلبك حبها
وبعتني وبعت قلبي
واشتريت حبها
وسبت حضني
أرمي نفسك ف حضنها
أسهر معاها تحت القمر
عرفها ليل العاشقين والسهر
قولها انت القدر بين البشر
أكذب و ألّفْ فـ حكايات
والنهايه شيء أكيد
هتعيش وحيد وده انتقام القدر
