الخيط الرفيع.
بريد القراء أعداد : هويدا صابر
دايما في حياتنا نقابل شخص يجي يقولك فلان قال عليك كذا وكذا أنا بقولك بس عشان تاخد بالك منه وتعرف نواياه ناحيتك وأنه ميستهلش معاملتك ليه وطبعا في ناس بتنجح معاهم الطريقه دي لأنهم ودنيين وسايبين نفسهم لقالوا وقولنا وتبتدي النفوس تشيل ويدخل الكره القلب وتتقطع علاقات بيكون صعب رجوعها تاني ، مش كل أللي بيتكسر بيتصلح نعقل شويه ونركز في الكلام أللي بيوصلنا ، أيه مسمعتش ياللي صدقت الكلام دا مثل اجدادنا كانوا دايما يقولوه ما شتمك ألا أللي بلغك..
دي مشكلة السائلة ه ش:
مشكلتي أني خسرت صحبتي المقربه ليه واللي ليها مواقف كتير معايه وشالت عني أولادي مع أمي لما كنت بتعب أو أسافر مع زوجي ووقفت معانا ماليا ومتربين سوا بسبب قالوا وقولنا ، صديقه مشتركه بينا وصللتي كلام كتير عنها وانها بتلف علي جوزي وغيرانه مني عشان انا عندي بيت وأولاد وهي لسه ومره في مره أقتنعت بكلامها وأخفيت عن زوجي كل الكلام دا عشان بحبه ولما يسألني عنها أقوله لا بتكلمني وأبتديت أصدها في التليفون ولما واجهتني قولتلها علي كل كلام صديقتنا التالته ، طبعا هزقتني وقالتلي أني انسانه متسرعه وناكره للجميل وأتصلت بصديقتنا قالتلها أنتي قولتي لفلانه كذا كذا عليه قالتلها لا طبعا دي كدابه دا هي أللي بتغير منك وحاقده عليكي وطبعا أنا سمعت لأن الأتصال كان قدامي وقالتلي مش عايزه أشوف وشك تاني أنتي متستهليش تكون صديقه ، المفاجأه أن هي كانت أبتديت تكلم صديق لزوجي أتعرفت عليه معانا في النادي وزوجي عارف وأتقدملها ولما كانت بتكلمني في الفترة أللي انا صدتها فيها كان عشان تحكيلي وتاخد رأي للأسف أنا طلعت غير جديره بصداقتها ، أنا مش عارفه أصالحها أزاي؟
السائلة الكريمة:
أنتي خسرتي صديقة عمرك بأرادتك محدش ضحك عليكي فييييييييين عقلك أنتي المفروض عارفاها وكان من الممكن تتحققي من الكلام أللي وصلك بطريقة ذكية وتكوني حذره معاها من غير ماتجريحها وتخسريها ، لو طلع الكلام ظلم مخسرتيش صديقة ، ولو طلع حقيقه خسرتي أنسانة خانتك ، لكن ليه أحنا دايما نرمي ودانا ونستسهل ، ورغم أن الكلام كان عليها وعلي زوجك أنتي مخسرتيش زوجك ولا قولتيله حاجه من الكلام أللي اتقالك عشان بتحبيه وداريتي ولما يسألك عنها تفتكري وحشته لكن هو كان بيسأل يمكن تكون قالتلك حاجه علي صديقه ، المهم عشان أكون صريحه معاكي في علاقات في حياتنا زي الخيط الرفيع بيتقطع بالجرح أو الأهانه وبيكون صعب جدا رجوعها تاني منها الصداقة هتفضل فاكره جرحك ليها وهيكون في حساسيه في التعامل بينكم ، الموضوع خلاص مش في أيدك في أيد صديقتك هي لازم ترضي وتسامحك وترجعلك ودا دور المقربين منكم والدتك مثلا أو صديق زوجك وخطيبها ممكن يتكلم معاها بناء علي طلب من زوجك يحاولوا أكتر من مره معاها لو رفضت خلاص دا حقها ومحدش يقدر يلومها فيه أبدا ، وأسأل الله لكي صلاح حالك وأمورك.
