تورتة الفواكه بطريقة سهلة و لذيذة و شيك جدا من مطبخ زيزي عامر
في عيد الاضحى كلنا بنركز على الاكلات اللي بيكون محورها لحم الاضحية و بنتفاجئ بعد الاكل اننا نسينا التحلية لكن فريق مطبخ سحر الحياة قرر يعمل لك تحلاية العيد السنة دي مع تورتة فواكه سهلة و بسيطة و منعشة و الاهم شيك و تشرفك قدام ضيوفك و اولادك و زوجك
مقدمة من / زيزي عامر
مدة التحضير / 20 دقيقة
وقت الخبز / 35 دقيقة
وقت التزيين / 15 دقيقة
المقادير :
8 بيضات
كوب سكر
كيس فانيليا
نصف كوب ماء
2 كوب دقيق عادي
معلقة كبيرة محسن جيل
معلقة كبيرة بيكينج بودر
للتزيين :
كمبوت خوج
تفاح أحمر
جوز هند متحمص
كيوي
طريقه تحضير الكريمة :
ربع كيلو كريم شانتيه خام وسكر حسب الرغبه هنضربه مع حاولي كوب لبن مثلج وسكر حسب الرغبه لحد لما تتقل ونوصل للقوام المطلوب.
طريقه التحضير :
– نضرب البيض والسكر والمحسن والفانليا مع بعض لحد لما القوام يتقل وتبقي زي الكريمه
– ننزل بالدقيق والبيكينج المنخولين شويه بشويه ونقلب براحه من تحت لفوق لحد انتهاء الكميه
– نضيف حاولي نصف كوب ماء ونقلب تاني بشويش من تحت لفوق لحد لما الماء يختفى – ندخلها فرن الساخن على 180 درجه لمده 30 الى 40 دقيقة أو حسب فرنك
– لما تستوي وتبرد تمام نقسمها ونسقيها شربات خفيف أو سفن اب او مياه كمبوت
– نحشيها كريم شانتيه ونزينها بكمبوت الخوخ والتفاح والكيوي أو حسب المتوفر عندك
و الف هنا على قلوبكم يارب
مدير مطبخ سحر الحياة / نيفين منصور
