ماما نجوى وبقلظ ..عشق الكبار .. واحلام الصغار

بقلم الكاتب الساخر مصطفي القمري

• القمرى: ماما نجوى ..ماما نجوى ..ماما نجووووووووووووووووووووووووى 

• ماما نجوى : ايوة ياقمرى بتزعق ليه سامعاك سامعاك .. ايوة ياحبيبى 

• القمرى : انا بحبك قوى ياماما نجوى .. انت اصلك وبصراحة كدة حلوة قوى ..وزى العسل الابيض قطفة البرسيم 

• نجوى : هههههه .. اشمعنى البرسيم يعنى ..عموما تسلم ياقمرى .. وانا كمان بحبك بس انا زعلانة منك 

• القمرى : ليه ياماما نجوى ؟

• ماما نجوى : انا سمعت انك مزعل تانت لميس الحديدى منك وكمان مزعل عمو وائل حريقة .. علشان بتتريق عليهم كل يوم واصحابك جم قالولى ..ينفع كدة ياقمرى ؟ وكمان بتكره الصحفيين ليه كدة ياحبيبى 

• القمرى : انا ..انا .. مش ممكن دنا بهزر معاهم .. اوعى تصدقيهم … بس انا عايز وبصراحة كدة يعنى عايز اقولك كلمتين على انفراد 

• ماما نجوى : ماتقول ياقمرى .. احنا هنخبى ليه .. اتكلم ياحبيبى ماتخافش وماحدش هيقدر يزعلك ولا انا هزعلك ..اتكلم ياحبيبى اتكلم 

• القمرى : انا بصراحة كدة يعنى .. لقيت شغل علشان اعتمد على نفسى .. هشتغل فنان تشكيكى ..

• ماما نجوى : ايه ؟ بتقول ايه ؟ فنان تشكيكى ؟ يعنى ايه ؟ مش فاهمة ؟ اه قصدك فنان تشكيلى كدة فهمت ..هتشتغل مع مين بقى ياقمرى 

• القمرى : مع حمدين صباحى 

• ماما نجوى : معقول حمدين لقى شغل ؟ بس ده عاطل ياحبيبى 

• القمرى: احنا هنرسم على قفاه ونعلق اللوح على ظهره .. دى كل الحكاية