المبكبكة الليبي باللحم الضاني من مطبخ نيفين منصور
مقدمة من / نيفين منصور
وقت التحضير / 5 دقائق
وقت الطهي / 20 دقيقة
المقادير :
كيلو لحم ضاني
بصلة مبشورة
3 فصوص توم
نص كيلو طماطم معصورة
4 م ك صلصة
2 فلفلة حامية حسب الرغبة
التوابل ( فلفل / حبهان و لاورا/ قرفة خشب )
الطريقة :
– هتسلقي اللحم بطريقتك المعتادة و معاها التوابل طبعا بس هنخلي نسبة المية مش شوربة كتير
– اما اللحم يبتدي يستوي هنطفي النار
– نيجي في حلة تانية نشوح البصلة و معاها التومة و الفلفل الحامي
– ننزل عليها بالصلصة و عصير الطماطم يتسبكوا و ننزل باللحم و الشوربة و الملح
– ننزل المكرونة و نوزعها كويس عشان احنا مش هنقلبها اوك ؟
– نشوف كمية المكرونة مع السوائل في الحلة و نظبطها بمية مغلية من الكاتل او لو عندك شوربة و سيبيها على نار هادية لحد ما المكرونة تستوي
و الف هنا على قلوبكم يارب
مدير مطبخ سحر الحياة / نيفين منصور
